El Principáu va empecipiar nes selmanes próximes les obres de meyora del pasu a nivel de Posada, en recibiendo l'aprobación d’Adif al proyectu
- Los trabayos van executase en coordinación col serviciu de caltenimientu del alministrador ferroviariu, que tamién va participar na adecuación de la infraestructura
La Conseyería de Mediu Rural y Cohesión Territorial va empecipiar nes selmanes próximes les obres de meyora del pasu a nivel de la carretera AS-115 al so pasu pela localidá de Posada, en recibiendo l'aprobación d’Adif al proyectu constructivu. Les obres van executase de forma coordinada ente'l serviciu de caltenimientu de carreteres de la Dirección Xeneral d'Infraestructures Viaries y Portuaries del Principáu y el departamentu de Caltenimientu del alministrador ferroviariu. El Principáu recibió l'aprobación al proyectu constructivu por parte d’Adif, que va aportar el so serviciu de caltenimientu a unes obres que se van executar de forma coordinada ente dambes alministraciones.
Los trabayos, nos que la Conseyería de Mediu Rural y Cohesión Territorial va invertir 48.000 euros, van consistir na meyora de la rasante de la carretera, aplicando en dellos puntos un fresao y n'otros una capa de regularización pa rematar cola estensión d'una capa de rodadura en tola superficie afectada.
Estes obres van complementase coles qu’Adif va llevar a cabu na infraestructura ferroviaria. Al tratase d'un tramu con un índiz eleváu de tráficu, allugáu amás nuna travesía urbana, van intentase minimizar les molesties a los vecinos de Posada y a los usuarios del AS-115 mientres la execución de los trabayos.
