Categories Navigation

Categories Navigation

Mediu Ambiente va invertir 1,3 millones nes obres de saniamientu d’El Río Miñera y la zona alta de Cenera, en Mieres

24/03/2022
  • La conseyería axudicó'l proyectu, que cunta con un plazu d'execución de 24 meses y va beneficiar a 189 habitantes

 
La Conseyería d'Alministración Autonómica, Mediu Ambiente y Cambéu Climáticu axudicó en 1.384.161 euros les obres de saniamientu d’El Río Miñera y la zona alta de Cenera, nel conceyu de Mieres, que van beneficiar a 189 habitantes.
 
El proyectu, con un periodu d'execución de 24 meses, incluye la construcción de redes de saniamientu en Vistrimir, Gal.legos, Agradiellos, El Carbayín, Vegalafonte, La Teyera y San Tiso. La so finalidá ye la recoyida de los vertíos dispersos anguaño pa conducilos por gravedá a la rede de colectores xenerales, que conecten col colector interceptor d’El Río Caudal, pal so tratamientu na estación depuradora de Baíña.
 
Nel casu de San Tiso y La Teyera, poblaciones alloñaes nel conceyu, van construyise dos instalaciones de tratamientu de tamañu pequeñu. D'esta miente, va evitase’l vertíu de les agües negres al mediu natural. 
 
L'actuación, que saliera a llicitación por 2.084.894 euros, ta cofinanciada pol Fondu Européu de Desenvolvimientu Rexonal (Feder),​​​