• El proyectu, que va beneficiar a 34 habitantes, tien un plazu d'execución d'un añu
• La Conseyería d'Alministración Autonómica, Mediu Ambiente y Cambéu Climáticu empecipió güei les obres de saniamientu de Seroiro, nel conceyu d’Ibias, con un plazu d'execución d'un añu y una inversión de 237.583 euros.

L'actuación, que va beneficiar a 34 habitantes, incluye la construcción d'una rede de colectores y la instalación d'una depuradora pal tratamientu de les agües residuales. Estes estructures van dexar solucionar el problema actual de vertíos al mediu natural pola falta de saniamientu nes viviendes.

Los colectores de la rede nueva van funcionar por gravedá y van tener un llargor total de 725 metros, con 41 pozos de rexistru. Tamién se van executar 19 acometíes domiciliaries.

La estación depuradora va constar d'un decantador primariu, con capacidá p'almacenar los fangos pa un mínimu de 60 díes; un reactor biolóxicu de biodiscos de 350 m2 de superficie, un decantador secundariu y una bomba de recirculación de fangos. Les agües trataes van ser conducíes dende la instalación, que va tar allugada na redolada del antiguu trazáu de la carretera AS-29, hasta'l regueru Seroiro, afluente del ríu Aviouga, por aciu un colector de 10 metros de llargor.

El proyectu, cofinanciáu pol Fondu Européu de Desenvolvimientu Rexonal (Feder), va concluyir col arreglu de tolos espacios afectaos polos trabayos.