Categories Navigation

Categories Navigation

Más d’un centenar de médicos y enfermeres d'Atención Primaria rematen anguaño la so formación n'Asturies

18/04/2022
  • Los especialistes nuevos van presentar 17 trabayos d'investigación na trentésima edición de los Alcuentros de Residentes d'Atención Primaria, que se celebra esta selmana n'Uviéu
  • La unidá docente de Medicina y Enfermería Familiar y Comunitaria ta tutelando na actualidá a 253 profesionales, que van llegar el cursu próximu a 284
  • Salú otorga pela primer vez el Premiu Salvador Tranche al meyor proyectu científicu presentáu nel Llaboratoriu d'Esperiencies

La sanidá pública asturiana forma na actualidá a 253 residentes d'Atención Familiar y Comunitaria n'Atención Primaria. Noventa rematen anguaño la so residencia: 62 de les 199 médiques y médicos de familia, y 28 de los 54 enfermeros y enfermeres.

El cursu próximu, la unidá docente de Medicina y Enfermería Familiar y Comunitaria va formar a 284 profesionales, 31 más qu'anguaño. D'ellos, 228 van ser médicos y 56, enfermeres.

El Principáu cunta con 314 tutores acreitaos qu'imparten docencia en 50 centros de salú. Amás, cada añu mediu centenar de residentes d'otres comunidaes autónomes realicen rotaciones en Salú Pública y na Atención Primaria asturiana.

Los especialistes nuevos van presentar los sos trabayos d'investigación na trentésima edición de los Alcuentros de Residentes d'Atención Primaria, que se va celebrar los díes 20 y 21 d'abril nel Palaciu d'Esposiciones y Congresos Ciudad d'Uviéu.

La directora xerente del Sespa, Concepción Saavedra, va inaugurar les xornaes y va ser el conseyeru de Salú, Pablo Fernández Muñiz, l'encargáu de la clausura. Ente los ponentes figura l’exdirector xeneral de Salú Pública, Rafael Cofiño, que va impartir una conferencia titulada Atención Primaria o barbarie.

Una de les novedaes d'esta edición ye la creación de dos gallardones nuevos: el I Premiu «Salvador Tranche», que va otorgar la Conseyería de Salú a la meyor comunicación na sección «Llaboratoriu d'Esperiencies»; y el premiu del públicu al meyor póster de la sección «Esplorando Salú». Ésti postreru va decidise al traviés d'una votación virtual de les persones inscrites nes xornaes. Tamién les sociedaes científiques van facer entrega de los sos premios a les meyores comunicaciones nel trescursu de los alcuentros, que'l so programa puedan consultar en https://bit.ly/ProgramaEncuentroAP_Asturias.



Investigaciones n'Atención Primaria

Los especialistes nuevos van presentar 17 investigaciones desenvueltes en 19 centros de salú de siete árees sanitaries. Los trabayos traten sobre aspectos rellacionaos cola pandemia, dende la percepción del virus pola población, al impactu psicolóxicu o'l síndrome burn out nos profesionales d'Atención Primaria. Tamién investigaron sobre la influencia de los determinantes sociales nes andaes y la prescripción de benzodiacepines (ansiolíticos) mientres el confinamientu.

Amás, realizaron estudios sobre otros aspectos de la salú, como la diabetes tipu 2, el riesgu cardiovascular en población xoven, la obesidá, la salú de les cuidadores informales de persones dependientes, la educación sexual nos adolescentes, la prevalencia de la soledá y el refugu a la vacunación antigripal en persones mayores de 65 años, ente más otros.



Trabayos de médicos residentes

  • Características de los pacientes que sufrieron eventos tromboembólicos durante el confinamiento estricto en el área sanitaria IV respecto al año previo, d’Eduardo Súarez, Julia González, Omar-Thami Iráqui-Houssaini (centru de salú de La Pola Siero).
  • Control de los factores del riesgo cardiovascular en pacientes con cardiopatía isquémica de Ventanielles-Colloto, de Daniel Fernández, Pablo Molero y Paula Ureña (centru de salú de Ventanielles).
  • Impacto del confinamiento por covid-19 en la prescripción de benzodiacepinasx, de Miriam Nicolás, Cristina Diéguez, Sara García y Yolanda Navarro (Centros de salú de Contrueces, El Coto y Natahoyo)
  • Utilidad de signos y síntomas en la sospecha clínica de abdomen agudo, de Carlos García y José Manuel Ramajo (centru de salú d’El Llano)
  • Impacto de la pandemia covid-19 en el servicio de urgencia de un hospital de segundo nivel con gran carga asistencial del Norte de España, de Juan Cuesta, Víctor Centeno y David Zamarreño (centros de salú d’El Coto y Roces-Montevil)
  • Aceptación o rechazo de la vacuna antigripal en población mayor de 65 años en las zonas básicas de salud de Riaño, Sama y Sotrondio, d’Ana Allende, Aarón Álvarez, Demetrio Álvarez y Silvia Frechoso (centros de salú de Riaño, Sama y Sotrondio)
  • Prevalencia de percepción de soledad en personas de 65 años o más y su relación con la salud, d’Adrián Arias, Ana Valle, Mónica Garcia y Lola Fernández (centros de salú de La Calzada y Natahoyo)
  • Estado de salud mental de los profesionales de Atención Primaria de un área sanitaria del Servicio de Salud del Principado de Asturias, de Gabriel Barbón, Isabel Furelos, Fernando Iglesias, Nikolay Ivanov, Sandra Ortega y Bárbara Rodríguez (centros de salú de Sabugo, La Madalena y Les Vegues)
  • Prevalencia del síndrome de ‘burn out’ en los médicos de familia de Atención Primaria del área sanitaria IV de Asturias en el contexto de la pandemia por Sars-Cov-2, de María Boto, Andrea Carro, Beatriz Martínez y Desiré Velarde (centros de salú d’El Cristo y Teatinos)



Trabayos d’enfermería d’Atención Primaria

  • Conocimientos sobre covid19 en población adulta tras dos años de pandemia, de Laura González, Jennifer Cenera y Camino Moure (centros de salú de La Calzada, Zarracina y El Parque de Xixón)
  • Influencia del hábitat, los conocimientos nutricionales y los hábitos en la sobrecarga ponderal, d’Emma Álvarez, Alejando Álvarez y Mara Van Leeuwen (centros de salú de Roces-Montevil y Villaviciosa)
  • Actualización y análisis de las propiedades psicométricas del cuestionario Motiva.Daf-DM2 para personas con diagnóstico de diabetes tipo 2, de Cristina Suárez y Sara Padrino (centru de salú de Les Arriondes)
  • Sobrecarga y apoyo social percibido de la mujer cuidados de pacientes dependientes de grado III, de Gemma Uría y Romina Canero (centros de salú de Tapia y Navia)
  • Prevalencia de factores de riesgo cardiovascular en la población adulta joven de 4 zonas básicas de salud del área sanitaria III, de Beatriz Sánchez, Laura Crespo, Rocío Magdaleno y Maria Martínez (centros de salú de Sabugo, Les Vegues, Pravia y Piedrasblancas)
  • Influencia de los determinantes sociales en el contagio por Sars-Cov-2 en las personas entre 30 y 59 años de edad, d’Ángela Chacón, Covadonga Feito, Sonia Fernández, Andrea Garcia, Marta González y Pablo Nogueira (centros de salú de Ventanielles, Posada de Llanera, La Corredoria, El Cristo, Teatinos y Villabona)
  • Impacto psicológico en los profesionales de Atención Primaria del área sanitario VII del Sespa tras 18 meses de la pandemia de la covid19, de Pablo Ferradal, Elia Rodríguez, Carla del Llano y Rocío García (centros de salú de Morea, Mieres Sur, Figaredo y Cabanaquinta)
  • Diseño y pilotaje de un cuestionario sobre conocimientos, actitudes y habilidades hacia la sexualidad y la educación sexual en familias con adolescentes a su cargo, de Selene Fanjul y Carmen del Caz (centru de salú de Sotrondio)



Comunicación de la Conseyería de Salú va facilitar a los medios de comunicación interesaos el contactu colos autores d’estos trabayos d’investigación