Categories Navigation

Categories Navigation

Comiencen los trabayos de restauración en Tormaleo, el mayor proyectu nacional pa la recuperación d’espacios mineros financiáu con fondos europeos

20/04/2022

de izquierda a derecha, Marcos Rodríguez, concejal de Ibias; Santiago Berjano, responsable de servicio de Minería de la Consejería de Industria, Empleo y Promoción Económica; la directora general de Energía, Minería y Reactivación, Belarmina Díaz; el consejero de Industria, Empleo y Promoción Económica, Enrique Fernández; la alcaldesa de Ibias, Gemma Álvarez; Patricia Zapico, del Instituto de Transición Justa; Gonzalo Mesa, director del área de Industria y Energía de la Delegación del Gobierno en Asturias; Joaquín Moya, gerente de Tragsa, y Alejandro Álvarez, del servicio de Minas de la consejería.

  • Na primer fase va facese’l montaxe de les instalaciones auxiliares nos entornos de los llagos Salgueiro y A Campa, l’apertura de pistes y la colocación d’elementos d’evacuación​​​​​​
  • Tragsa incorporará nos próximos díes a los primeros ocho trabayadores procedentes de la bolsa d’escedentes de la minería
  • Les obres, que se van desenvolver hasta 2026, van movilizar más de 48,4 millones d’inversión

La Empresa de Tresformación Agraria S.A. (Tragsa) empecipió güei la execución del proyectu de restauración de la área noroeste de l'antigua mina de Tormaleo, n’Ibias, y l'adecuación de los suelos a nuevos usos.  La recuperación medioambiental del xacimientu constitúi'l mayor proyectu nacional nesti ámbitu financiáu con fondos del Plan de Recuperación Tresformamientu y Resiliencia. Los trabayos empezaron esta mañana, tres la firma de l'acta de replantéu ente la compañía pública y el Gobiernu d'Asturies.
 
El conseyeru d'Industria, Empléu y Promoción Económica, Enrique Fernández, visitó l'antigua esplotación carbonera con motivu del empiezu de les obres, acompañáu pola directora xeneral d'Enerxía, Minería y Reactivación, Belarmina Díaz; l'alcaldesa de Ibias, Gemma Álvarez, y el director de la Área d'Industria y Enerxía de la Delegación del Gobiernu n'Asturies, Gonzalo Mesa.
 
L'actuación, que va movilizar 48.462.275 euros d'inversión, contempla les siguientes acciones:

  • La rehabilitación d’una superficie de 430 hectárees.
  • L’aseguramientu de la estabilidá física del suelu cola remodelación topográfica del entornu afectáu.
  • L’aseguramientu de la estabilidá química del agua y recuperación del sistema hidrolóxicu afectáu.
  • La recuperación de la cubierta vexetal y integración del espaciu interveníu nel paisaxe.

La Conseyería d'Industria, Empléu y Promoción Económica promueve esta intervención, con financiación mayoritaria del Institutu pa la Transición Xusta, organismu autónomu dependiente del Ministeriu pa la Transición Ecolóxica y Retu Demográficu.

“Pal Institutu pa la Transición Xusta, l'entamu de les obres de restauración de Tormaleo supón un momentu de muncha allegría. Ye un gran proyectu, nel qu'invertimos 43,5 millones pa un gran territoriu que va xenerar empléu pa los trabayadores escedentes de la minería y va recuperar ambientalmente esti maraviyosu espaciu, onde se va xenerar nueva actividá económica. Esa ye la nuesa nueva meta y nella concentramos tola nuestra enerxía”, aseguró Laura Martín Murillo, directora del Institutu pa la Transición Xusta, organismu dependiente del Ministeriu pa la Transición Ecolóxica y el Retu Demográficu.

Los trabayos van desenvolvese hasta 2026 y van dexar crear 74 puestos de trabayu. Na primer fase, que’empecipia güei, ta previsto que se desenvuelvan los trabayos preparatorios de la obra, como'l montaxe de les instalaciones auxiliares nes redolaes de los llagos Salgueiro y A Campa, apertures de pistes de serviciu y l'instalación d'elementos d'evacuación.

Pal desenvolvimientu d'estos llabores yá se movieron a la zona les primeres cuatro unidaes del parque de maquinaria de Tragsa, que va actuar como mediu propiu del Principáu encargáu de la execución de les obres. La dotación dirá aumentando na midida na qu’ameyore la restauración ambiental.

Asina, nos próximos díes prevése la contratación d'un  primer equipu de 6 a 8 persones procedentes de la bolsa d'escedentes de la minería, dando asina cumplimientu al Real Decretu 341/2021, de 18 de mayu, pol que se regula la concesión directa d'ayudes pa la restauración ambiental de zones afectaes pola transición enerxética nel marcu del Plan de Recuperación, Tresformavción y Resiliencia correspondiente a proyectos de zones degradaes por cuenta de la minería del carbón.

“Depués meses llargos de trabayos alministrativos y llabores presupuestarios, empecípiense estes obres de recuperación y restauración que son una posibilidá real de crear puestos llaborales nos cuatro años de los trabayos. Pero amás ábrense espacios d'oportunidá p’actividaes agrícoles y ganaderes nueves, forestales, silvícoles, turístiques y culturales”, destacó'l conseyeru d'Industria.

Nes próximes selmanes, y según na que se vaigan abriendo tayos nuevos, va incorporase a la incorporación paulatina de más personal procedente de la bolsa.​

 



Audio con declaraciones de la directora general de Energía, Minería y Reactivación, Belarmina Díaz (mp3 1185 Kb)
Audio con declaraciones del consejero de Industria, Empleo y Promoción Económica, Enrique Fernández (mp3 2104 Kb)​​​​​​​