Categories Navigation

Categories Navigation

Más d'un millón de persones utilizaron les biblioteques públiques d'Asturies l'añu pasáu

22/04/2022
  • Los centros tramitaron 708.000 préstamos al traviés de distintes canales y entamaron 3.254 actos culturales n'equipamientos rexonales y municipales
  • Por cuenta de la celebración del Día del Llibru, programáronse más de 150 actividaes per tola comunidá

Les biblioteques públiques recibieron a 1.010.033 visitantes y tramitaron más de 708.000 préstamos en 2021 al traviés de les distintes modalidaes habilitaes: físicos, interbibliotecarios, eBiblio Asturies, eFilm Asturies.

Mesmo les biblioteques que dependen directamente de la Conseyería de Cultura, Política Llingüística y Turismu que la rede d'equipamientos municipales son axentes mui activos en tol territoriu. En total, l'añu pasáu entamaron 3.254 actividaes a les qu'asistieron 54.754 persones.

Al zarru del exerciciu, les biblioteques cuntaben con 658.146 socios y xestionaben un fondu documental con más de 3.026.000 millones de pieces nel so catálogu, incluyendo llibros, publicaciones periódiques, documentos sonoros, vídeos, soportes electrónicos y otros formatos. La promoción dixital ye cada vez más intensa y estos centros cunten con más de 108.000 siguidores en redes sociales.

Por cuenta de la celebración del Día del Llibru, el próximu sábadu, día 23, van desenvolvese 150 actividaes gratuites n'una trentena de conceyos. Destaquen, sobremanera, les dedicaes a neños y neñes, ente elles, talleres, charres, cuentacuentos y teatro.​​​

 


 Programación de actividades (pdf: 343 KB)