Categories Navigation

Categories Navigation

El Principáu va celebrar el domingu’l Día Internacional de la Madre Tierra nel Parque Nacional de Los Picos d’Europa

22/04/2022
  • La Rede Natural d’Asturies entama actividaes de baldre pa tolos públicos nel Centru d’Interpretación Pedro Pidal

                                   
El Gobiernu d’Asturies va celebrar el domingu que vien, 24 d’abril, el Día Internacional de la Madre Tierra nel Parque Nacional de Los Picos d’Europa, onde la Rede Natural d’Asturies (RENA) entama rutes guiaes y actividaes de baldre, empobinaes a tolos públicos, pa conmemorar esta efeméride.
 
El Centru d’Interpretación Pedro Pidal, asitiáu na contorna de Los Llagos, va ser el puntu de partida de les rutes guiaes y va acoyer tamién les actividaes infantiles, dende les 11:30 hasta les 14:00 hores. L’oxetivu ye dar a conocer la importancia de tolos ecosistemes que conformen el parque nacional, asociando caún d’ellos a los usos tradicionales que lu conformaron.
 
Naciones Uníes designó’l 22 d’abril Día Internacional de la Madre Tierra na década de los 70. Anguaño ye’l primeru que se conmemora dientro del Deceniu de la ONU pa la Restauración de los Ecosistemes, que son los que caltienen toles formes de vida de la Tierra y de los que depende directamente la salú del planeta y de los sos habitantes.
 
La ONU aporfia na necesidá de restaurar los ecosistemes, tamién pola so importancia na llucha contra la probitú y el cambéu climáticu, y defende la transición hacia una economía más sostenible, que funcione tanto pa les persones como pal planeta.


 Cartel día internacional de la tierra​​​​​​​ (jpg: 278 Kb)