​​​​​​​

• El Consorciu pa la Xestión de Residuu Sólido d’Asturies dispón nestos momentos de 172 trabayadores indefiníos

El conseyu d’alministración del Consorciu pa la Xestión de Residuu Sólido d’Asturies (Coxersa) aprobó güei el plan d’estabilización d’empléu públicu de la entidá, que va permitir cumplir cola normativa pa menguar la temporalidá. D’esta manera, el consorciu, que dispón actualmente de 172 trabayadores fixos, va estabilizar otres 52 places con convocatories que van realizase a lo llargo d’anguaño.

Ente les places que van convocase tán les de 13 conductores y 15 peones de recoyida de residuu, 16 operarios de puntu llimpiu y 8 de dellos perfiles pa les plantes del Centru de Tratamientu de Residuu de Serín.

La plantía fixa de Coxersa quedó cuasimente invariable a lo llargo de los años últimos poles dificultaes na tasa de reposición incluyíes nos Presupuestos Xenerales del Estáu, anque aumentaren les instalaciones y servicios qu’ufierta. Nesti contestu, les necesidaes estructurales nueves de personal foron cubriéndose con trabayadores temporales, de manera que’l consorciu tien agora una tasa de temporalidá del 30 %.

L’aprobación de la Llei 20/2021, del 28 d’avientu, pa la mengua de la temporalidá nel empléu públicu, qu’afecta tamién a les empreses públiques, supón una oportunidá pa estabilizar l’empléu en Coxersa, lo que va influyir nuna meyor xestión de los servicios y de les condiciones llaborales.

​​​​​​​ Audio consejo administración Cogersa (mp3 703 Kb)​​​​​​​