Categories Navigation

Categories Navigation

LABoral Centru d’Arte pon en marcha un programa que redescubre la so ufierta espositiva al traviés de fragmentos d’obres lliteraries

25/04/2022
  • Leer la exposición va ufiertar alderiques de comisarios y espertos col públicu para afondar nos conteníos del equipamientu al traviés de los llibros que los inspiraron​​​​​​​
  • L'actividá, que va empezar en xunu y va ser gratuita, va realizase una vez al mes y va riquir d'inscripción previa

Llaboral Centru d'Arte va ufiertar al públicu una nueva forma d'averase a les esposiciones qu'alluga: al traviés de les obres lliteraries qu'inspiraron la so temática y diseñu. A partir de xunu, l'equipamientu de la Conseyería de Cultura, Política Llingüística y Turismu va poner en marcha'l programa Lleer la esposición, una propuesta que va dexar a los participantes descubrir los conteníos del centru tomando como referencia la lliteratura pola que fueron influyíos.
 
Les sesiones van celebrase una vegada al mes y nelles, comisarios y espertos n'arte van proponer a los visitantes un percorríu distintu poles esposiciones, basáu en pasaxes de llibros venceyaos a les obres espuestes. Al traviés de llectures y otros formatos propónse crear un espaciu paintercambiar reflexones y afondar nos conteníos espositivos d'una forma creativa, dinámica y tresversal.
 
L'actividá va ser gratuita pa tol públicu interesáu, anque va ser necesaria la inscripción previa. La primera de les sesiones va celebrase’l 23 de xunu, a les 18:00 hores, y nun va ser necesariu lleer les llectures encamentaes para participar nella.
 
L'oxetivu de Lleer la esposición ye crear una comunidá afectiva na que compartir intereses, entrugues y descubrimientos, con perspectiva crítica ya integradora, alredor de les temes de cada muestra del centru.​​​​​​​