Categories Navigation

Categories Navigation

El proyectu Xeitu d’inclusión social va invertir 1,28 millones de fondos europeos en Xixón, Mieres y Tinéu pa beneficiar a 500 persones

28/04/2022

la consejera de Derechos Sociales y Bienestar, Melania Álvarez, (izqda.) y la secretaria general de Objetivos y Políticas de Inclusión y Previsión Social del Ministerio de Inclusión, Seguridad Social y Migraciones, Milagros Paniagua​​​​​​​

  • Trátase d'una de les nueve iniciatives escoyíes pola Comisión Europea nesti ámbitu d'actuación y la única que se va desenvolver n'España
  • La conseyera Melania Álvarez participó güei xunto cola secretaria xeneral d'Oxetivos y Polítiques d'Inclusión nuna xornada de trabayu sobre esti programa

El proyectu Xeitu Estratexes innovadores pa la inclusión activa al traviés de partenariaos locales integraos va permitir invertir 1,28 millones de fondos europeos en Xixón, Mieres y Tinéu para beneficiar a 500 persones. La conseyera de Derechos Sociales y Bienestar, Melania Álvarez, y la secretaria xeneral d'Oxetivos y Polítiques d'Inclusión y Previsión Social del Ministeriu d'Inclusión, Seguridá Social y Migraciones, Milagros Paniagua, inauguraron esta mañana una xornada de trabayu sobre esta iniciativa, pionera a nivel nacional.

Trátase d'ún de los nueve proyectos escoyíos pola Comisión Europea en tol territoriu comunitariu pa recibir financiación del Programa Européu d'Empléu ya Innovación Social y la 'única que se va desenvolver n'España, d'ende que resulte crucial pa la configuración y reforma de les polítiques d'inclusión activa en tol país.

*Xeitu promueve la inclusión social y llaboral d'aquelles persones qu'encaren riesgos críticos en términos de desempléu y esclusión. Va implantase de forma pilotu nos trés conceyos citaos, pa estendelo depués a toa Asturies si s’algamen los oxetivos propuestos.

El so plazu d'execución establecióse en 30 meses, polo que va rematar en xunu de 2024. Nesi períodu, les persones participantes van disponer de recursos nel ámbitu de la renta, la busca d'empléu y l'accesu a bienes y servicios pa superar les barreres que torguen el so accesu al mercáu de trabayu.

El Principáu, al traviés de la Conseyería de Derechos Sociales y Bienestar, llidera esta acción, na que tamién participen como socios el Serviciu Públicu d'Empléu (Sepepa), el Ministeriu d'Inclusión, Seguridá y Migraciones, los conceyos de Tinéu, Mieres y Xixón, la European Social Network y Cruz Roja Asturies. Amás, collaboren como entidaes acomuñaes la Federación Asturiana d'Empresarios (Fade), l'Institutu de Desenvolvimientu Económicu del Principáu (Idepa) y la Rede Europea de Llucha contra la Probeza y l'Esclusión Social (EAPN-Asturies).


Audio de la consejera de Derechos Sociales y Bienestar, Melania Álvarez (mp3 398 Kb)​​​​​​​