Categories Navigation

Categories Navigation

El Sespa aumenta un 24,34% l’actividá quirúrxica nel primer trimestre del añu

28/04/2022
  • Las primeras consultas incrementáronse un 18% en relación col mismo periodu de 2021
  • De xineru a marzu realizáronse 97.130 pruebes, un 6,61% más, ente ecografís, mamografíes, TAC y resonancies

El Serviciu de Salú del Principáu (Sespa) aumentó l'actividá quirúrxica un 24,34% nel primer trimestre respecto al mesmu periodu de 2021, según l'informe del Sistema d'Información Atención Especializada (SIAE).

En concretu, realizáronse 16.089 intervenciones: 6.372 operaciones programaes con hospitalización, 1.955 urxentes con ingresu, 7.670 programaes ambulatorias y 92 urxentes ambulatories.

Pela so parte, l'actividá ambulatoria sigue'l mesmu enclín. En global, de xineru a marzu rexistráronse 469.035 consultes (primeres y socesives), un 9,72% más. En concreto, les primeres consultes xubieron un 18%, hasta algamar les 124.607, y les socesives, un 6,8%, con un total de 344.428.

Esta mesma llinia a l'alza constátase nes consultes d'alta resolución, con 9.666 nel primer trimestre, lo que supón un aumentu del 19,77%.

L'informe reflexa, amás, un crecimientu del 6,61% nel númberu pruebes, hasta sumar 97.130: 30.956 ecografíes, 19.298 mamografíes, 32.655 TAC y 14.058 resonancies.

A lo último, l'actividá hospitalaria esperimenta una medra del 11,61%, con 26.816 ingresos frente a los 24.027 del mesmu periodu de 2021.