El Principáu remata les obres d’ameyoramientu y enanche de la carretera de L’Arena a Ranón
- L’actuación, onde s’invirtieron 2,6 millones, dexó ampliar l’anchu de la vía hasta los 6 metros
Les obres d’enanche y ameyoramientu de la carretera AS-318, que xunta L’Arena (Sotu’l Barcu) cola carretera nacional N-643 na contorna del aeropuertu d’Asturies (Castrillón), acabaron güei. La Conseyería de Mediu Rural y Cohesión Territorial invirtió cuasi 2,6 millones na actuación, qu’empezó va un añu y abarca 5,7 quilómetros de llargor del vial.
Esta intervención aumenta la funcionalidá y seguranza de la carretera, qu’amás val d’accesu a los núcleos de La Cuesta, Ranón, Carbayal y Figueras. La vía enanchóse hasta algamar 6 metros, a los qu’hai que sumar les bermes y sobreanchos pertinentes en curves, lo que fai posible’l cruz de dos vehículos con seguranza en tol percorríu.
Los trabayos tamién dexaron rediseñar la rede de drenaxe. Fixéronse cuasi 9 quilómetros lliniales de cunetes nueves y 26 caños de desagüe. Amás, renovóse la señalización vertical, l’abalizamientu y los sistemes de contención, y acondicionáronse les intersecciones, sobre manera la que xunta esta carretera cola N-643, onde se construyó una cuña de cambéu de velocidá.
