Categories Navigation

Categories Navigation

El Gobiernu d'Asturies amplía hasta los 2,82 millones los fondos pa impulsar la tresformación dixital del comerciu minorista

04/05/2022

De izquierda a derecha, Xiana Méndez, secretario de Estado de Comercio y Enrique Fernández, consejero de Industria, Empleo y Promoción Económica

  • El Conseyu de Ministros destina al Principáu 1,1 millones pa convocar una llinia nueva d’apoyu a pymes y asociaciones sectoriales
  • Estos recursos súmense a los 1,73 millones dedicaos pola Conseyería d'Industria al programa DICA

La Conseyería d'Industria, Empléu y Promoción Económica va ampliar anguaño hasta los 2.828.084 euros los fondos pa impulsar la tresformación dixital del comerciu minorista. Asina, a los 1.735.000 euros recoyíos nel presupuestu autonómicu pal desenvolvimientu del Programa Integral de Dixitalización del Comerciu d'Asturies (DICA), van sumase agora 1.093.084 más procedentes d'una nueva llinia estatal d'ayudes aprobada güei pol Conseyu de Ministros.

La confirmación d'estes subvenciones nueves pa la dixitalización del sector coincidió cola reunión que celebró en Madrid el conseyeru d'Industria, Enrique Fernández, cola secretaria d'Estáu de Comerciu, Xiana Méndez.

La Dirección Xeneral de Comerciu tien anguaño cinco convocatories d'ayudes abiertes nel marcu del programa DICA:

  • 800.000 euros a la Fundación CTIC, entidá collaboradora na execución del Programa DICA.
  • 355.000 euros p’ayudes a la modernización del pequeñu y medianu comerciu pa facilitar la so adaptación a les tendencies de formatu, diseñu, operativa y xestión actuales.
  • 264.000 euros pa sofitar a les asociaciones, dinamizar el comerciu y sensibilizar a los profesionales no que fai cola tresformación tecnolóxica.
  • 236.000 euros en subvenciones a asociaciones y agrupaciones de comerciantes y mistes de comerciu y turismu pal desenvolvimientu de planes estratéxicos. En dambos casos, pretende favorecese’l turismu de compres y la modernización de los negocios de proximidá.
  • 80.000 euros pal sofitu y promoción del comerciu rural, cola mira d'ameyorar la so posición competitiva frente a los formatos nuevos de venta.

Estes llinies d'ayudes formen parte del Programa de Dixitalización Integral del Comerciu d'Asturies 2021-2023 (Programa DICA), una iniciativa pionera del Gobiernu d'Asturies pa impulsar la tresformación tecnolóxica del comerciu minorista y ameyorar la so competitividá. El programa, que cunta con un presupuestu de 5,1 millones pa trés años, promuévelu la Conseyería d'Industria nel marcu del diálogu social y cola collaboración de la Fundación CTIC como sociu tecnolóxicu.

A estes cinco llinies van sumase otres dos convocatories pa pymes comerciales y asociaciones del Ministeriu d'Industria, Comerciu y Turismu, dotaes con 50 millones del Mecanismu de Recuperación y Resiliencia (MRR), y de xestión autonómica. Del importe total, a Asturies corresponderán-y 1.093.084 euros. El repartu de les ayudes va concretase'l llunes próximu nuna reunión de la Conferencia Sectorial de Comerciu Interior.