Categories Navigation

Categories Navigation

Asturies llega a cuasi’l mediu millón de pernoctaciones nel primer trimestre del añu

05/05/2022
  • El Principáu recibió en marzu 243.558 turistes que xeneraron 189.574 estancies
  • ​​​​​​​Los agospiamientos contabilizaron 3.576 empleos

El Principáu recibió nel primer trimestre del añu 243.558 visitantes, que xeneraron 495.465 pernoctaciones, asina como los datos provisionales publicaos güei pol Institutu Nacional d'Estadística (INE). En marzu visitaron Asturies 95.392 turistes y contabilizáronse 189.574 nueches d'estancia.

Anque los datos sumen un menor númberu de turistes que nel primer trimestre del 2019 (últimu añu completu ensin pandemia), ponen de manifiestu un aumentu de les pernoctaciones del 1,3  %. Al respective del añu pasáu, la cifra de visitantes aumentó un 345,5 % y les estancies xubieron un 289,6 %.

En términos d'empléu, los agospiamientos dieron ocupación a 3.575 persones, lo que supón triplicar les cifres de marzu del 2021 y un aumentu del 10,1 % al respective de febrero.​