Categories Navigation

Categories Navigation

El Principáu llanza les ayudes pal área d’influyencia del Parque Nacional de Los Picos d’Europa, dotaes con 248.000 euros

05/05/2022
  • El Bopa publica güei la convocatoria, empobinada al desenvolvimientu d’actuaciones compatibles col caltenimientu de la naturaleza y la puesta en valor de los aprovechamientos tradicionales

El Gobiernu d’Asturies llanzó les ayudes pal área d’influyencia socioeconómica del Parque Nacional de Los Picos d’Europa, dotaes con 248.000 euros. El Boletín Oficial del Principáu (Bopa) publica güei la convocatoria (https://cutt.ly/jGCxNXi), a la que van poder presentase Conceyos y otres entidaes locales.

Les ayudes tán empobinaes a apoyar actividaes compatibles col caltenimientu de la naturaleza, la integración del parque na realidá de la zona, la protección del patrimoniu natural, cultural y arquitectónicu y la puesta en valor de los aprovechamientos tradicionales. Tamién s’orienten a toes aquelles actuaciones qu’ayuden a ameyorar la calidá de vida de los habitantes del espaciu protexíu.

El plazu pa presentar les solicitúes ye de diez díes hábiles a partir de mañana y les entidades interesaes tienen hasta’l 31 d’ochobre pa xustificar les actuaciones executaes. La Dirección Xeneral del Mediu Natural y Planificación Rural treslladó la información a tolos conceyos afectaos.

Les árees d’influyencia socioeconómica tán formaes polos términos municipales que tienen territoriu nos parques nacionales y, si ye’l casu, nes zones perifériques de protección. N’España, ocupen más de 1.772.000 hectárees y incluyen 169 conceyos, 6 d’ellos n’Asturies.