​​​​​​​

La Conseyería de Mediu Rural y Cohesión Territorial activó un dispositivu pa recuperar los restos d'un osu pardu topaos nel conceyu de Cangas, dientro del Parque Natural de les Fontes del Narcea, Degaña y Ibias. Técnicos y axentes de la Guardería del Mediu Natural y de la Fundación Osu Pardu aportaron esta mañana al llugar nel que s'atopaba'l cadabre del animal. 

Tres un primer analís visual, los especialistes comprobaron que se trata d'un machu d'unos 100 quilos de pesu. Too paez indicar que, nesta dómina de celu, la muerte pudo debese a una engarradiella con otru machu. 

Los restos van treslladase al llaboratoriu del Serviciu Rexonal d'Investigación y Desenvolvimientu Agroalimentario (Serida) pa realizar la necropsia. Tamién se van tomar muestres p'analizar. 

Una llamada realizada al 112 sollertó ayeri pela tarde del descubrimientu d'estos restos.​​