Categories Navigation

Categories Navigation

El Principáu impulsa’l proyectu Plaza Mayor de participación ciudadana pa recoyer idees y suxerencies qu’ameyoren l’Alministración

16/05/2022
  • Les persones interesaes van poder visitar dende güei y hasta’l día 22 los puntos de consulta instalaos nos conceyos d’Uviéu, Xixón, Avilés, Siero, Mieres, Llanes, Navia, Ribeseya y Valdés

La Conseyería de Presidencia dedica esta selmana al proyectu de participación ciudadana Plaza Mayor, que quier dar voz a la población p’ameyorar la calidá y la eficiencia de l’Alministración pública.
Esti proyectu va desenvolvese presencialmente dende güei y hasta’l domingu, día 22, n’Uviéu, Xixón, Avilés, La Pola Siero, Mieres del Camín, Llanes, Navia, Ribeseya y Ḷḷuarca. Nestes poblaciones van instalase puntos de consulta y recepción d’aportaciones en zones céntriques, de 9:00 a 21:00 hores, atendíos por personal contratao a costafecha.

Al empar, tamién van poder unviase propuestes y suxerencies al traviés del cuestionariu habilitáu nel enllaz https://cutt.ly/OHctQvH, del corréu participa@Asturies.org y de Twitter, nel perfil @PARTICIPAstur.

El Principáu va recopilar les idees y aportaciones recibíes, coles que va ellaborar un documentu de resume que va compartise dientro de l’Alministración autonómica.

Esta iniciativa ye’l mayor esfuerciu realizáu hasta la fecha pol Principáu pa recoyer directamente observaciones, crítiques y suxerencies de meyora de la ciudadanía.


Cartel (jpg 455 Kb)​​​​​​​