Categories Navigation

Categories Navigation

La Conseyería de Mediu Rural va facilitar al sector pesqueru l’acceso a formación de les personas embarcaes

20/05/2022

El director general de Pesca Marítima, Francisco González (segundo por la izquierda en la imagen) en un momento de la reunión mantenida

  • La Dirección Xeneral de Pesca Marítima va habilitar un espaciu online con documentación y test pa preparar exámenes

 

 

El director xeneral de Pesca Marítima, Francisco González, anunció güei que la Conseyería de Mediu Rural y Cohesión Territorial va habilitar un espaciu na web del Principáu pa facilitar l'accesu a formación de les persones embarcaes. La midida, que s'enmarca dientro de les acciones pa favorecer el relevu xeneracional nel sector pesqueru, va ayudar al personal a preparar los exámenes p'ameyorar les sos competencies, al poner a la so disposición documentación y test.

Tamién l'ámbitu de la formación, nos próximos meses van convocase dellos cursos de marineru pescador y d'ampliación de competencies pa patrones costeros polivalentes. Esta foi una de les cuestiones que González analizó nuna xunta con representantes del sector.

Amás, nel alcuentru informóse de que'l Principáu trabaya na meyora de la normativa que regula los descansos. Nesti sentíu, p'avanzar na trazabilidá de l'actividá pesquera en tolos segmentos de la flota, van instalase xeolocalizadores nos barcos, cola fin de llograr datos oxetivos que permitan adaptar la lexislación a les necesidaes y característiques de l'actividá.

Per otra parte, nel marcu de los trabayos p'ameyorar la rentabilidá, y coincidiendo col desenvolvimientu de la nueva Llei de Pesca Sostenible ya Investigación Pesquera, que'l so proyectu aprobó esta selmana'l Conseyu de Ministros, va llevar a cabu un estudiu sobre les distintes posibilidaes de pesca y la dependencia de la flota asturiana de ciertes especies.

El director xeneral tamién se refirió al cambéu del Fondu Européu Marítimu y de Pesca (FEMP) pa permitir que les comunidaes habiliten ayudes pa facer frente a les medres de costos provocaos pola guerra n'Ucrania.

 

 


Audio del director general de Pesca Marítima, Francisco González (mp3 729 Kb)