Categories Navigation

Categories Navigation

El Principáu convoca 2,2 millones n’ayudes pa la prevención de daños por fauna montés n’agricultura y ganadería

23/05/2022
  • Va subvencionase’l 100 % de les inversiones de construcción o reparación d’elementos pa la defensa del ganáu o’l cultivu, hasta un máximu de 40.000 por granxa  

 

 

El Principáu llanzó les ayudes pa la dotación de midíes preventives p’aforrar daños de la fauna montés a la agricultura y la ganadería, dotaes con 2,2 millones. Esta subvención plurianual ye complementaria a la indemnización por daños.

 

La midida va dexar subvencionar el 100 % de les inversiones empobinaes a la construcción o reparación d’infraestructures pa la defensa del ganáu o de los cultivos. Asina, con estes ayudes, cofinanciaes pola Unión Europea al traviés del Fondu Européu de Desenvolvimientu Rural (Feader), sofítase qu’agricultores y ganaderos se doten de zarros, compren valles móviles y llendadores o perros pastores. La inversión mínima subvencionable ye de 3.000 euros y la cantidá máxima por esplotación de 40.000.

 

A esta llinia van poder acceder los titulares de granxes agrícoles y/o ganaderes de bovino, ovino, caprino, porcino o equino que faigan pastoréu y/o aprovechamientu de forraxe de la superficie lligada a la esplotación, amás de les esplotaciones apícoles.  

 

La convocatoria publícase güei nel Boletín Oficial del Principáu (Bopa) y el plazu pa presentar les solicitúes acaba’l 30 de xunu.