• Asturies, territoriu innovador busca elevar a 600 el númberu de pequeñes y medianes compañíes que se benefician d’ayudes a la I+D+i
• La Conseyería de Ciencia y el Idepa lideren esta iniciativa, que va cuntar cola collaboración de centros tecnolóxicos y clústeres rexonales

El Principáu punxo en marcha un programa p’aumentar el númberu de empreses innovadores na comunidad. L’oxetivu de la iniciativa Asturies, territoriu innovador ye que’l númberu de pequeñes y medianes dirixíes a esti sector alcance les 600 a finales de 2023, lo que implicaría un incrementu d’un 17% sobre la cifra actual

La Conseyería de Ciencia, Innovación y Universidá, al traviés del Institutu de Desenvolvimientu Económicu del Principáu (Idepa), aspira a que les firmes qu'anguaño desconocen que pueden sumase a la innovación averando a aquelles acciones que-yos faciliten la incorporación de tecnoloxía o preseos que les integren nesti segmentu de negociu

El conseyeru de Ciencia, Borja Sánchez, y la baxo’l lema Anovar ye lo tuyo y lo nuestro, empobínase hacia pymes con preocupaciones ya idees de meyora pero qu'entá nun se planteguen esi cambiu dientro de los sos planes de desenvolvimientu porque lu consideren daqué difícil y costosu.

Esta actuación busca averar la innovación a la xestión de la empresa por aciu l'asesoramientu, el sofitu financieru personalizáu y la collaboración públicu-privada, cola fin d'ayudar a les firmes a avanzar de forma natural nesta dirección. El programa cunta con una rede de collaboradores: centros tecnolóxicos, clústeres y entidaes de soporte, ente elles, el mesmu Idepa y el Centru Européu d'Empreses ya Innovación (CEEI).

Nos últimos años rexistróse un crecimientu del interés del texíu económicu por sumase a esti sector. Como exemplu, ente 2015 y 2021 periodu nel que s'activaron nueves convocatories de sofitu, 514 empreses beneficiáronse de les ayudes a la innovación del Principáu. L'oxetivu ye incrementar esta cifra y llegar polo menos hasta les 600 (un 17% más).

Na so intervención, el titular de Ciencia dirixióse a eses firmes que nun saben o nun s'atreven a anovar. “Queremos sofitar el crecimientu del nuestru ecosistema d'empreses innovadores, porque tenemos muncho más potencial del qu'agora mesmo se conoz”, aseguró. La respuesta que se llogre va dexar evaluar si ye mester ampliar el númberu de convocatories anguaño en marcha per parte del Idepa y la so dotación económica.

Pela so parte, Eva Pando apuntó qu'esti programa pon el focu de manera especial na pymes. “Cualquier empresa, inclusive les de pequeñu tamañu y de sectores y actividaes tradicionales, puede desenvolver proyectos innovadores que supongan un cambéu importante nel productu que fabriquen o la forma de facelo”, aseguró. “Con esta iniciativa vamos ayudar a les empreses a encauzar y sacar provechu de les sos preocupaciones y retos empresariales, faciendo de la innovación un vector de competitividá ensin necesidá de grandes inversiones o infraestructures d'I+D”, añedió.

Nel actu intervinieron también Vicente Fernández, xerente d’Excade, ganadora del Premio Idepa a la Innovación en 2021, como exemplu d’empresa qu’alcontró nesta vía’l so valor diferencial al respective d’otras compañíes d’un sector tradicional como ye la obra civil y el movimientu de tierres.

Como elementu conductor y soporte informativu del programa, púnxose en marcha la web www.territorioinnovador.es. Amás de recoyer información d’interés pa les compañíes, también incorpora vídeos y podcast, que se van dir publicando regularmente, sobre casos d’éxitu de firmes asturianes que s’atrevieron a innovar y llograron unos resultados bien positivos pa les sos estratexes de negociu.