• El domingo permanecían hospitalizadas con confirmación de coronavirus 133 personas: 122 en planta y 11 en UCI

Asturies caltiénse en nivel baxu d'alerta por covid, según los criterios de la nueva estratexa de vixilancia y control qu'entró a valir el 28 de marzu. La evolución de la pandemia nel Principáu puede consultase nel enllaz:

Los indicadores rellacionaos col usu de los servicios asistenciales son los que determinen el nivel de riesgu, anque l'actual sistema de siguimientu ufierta tamién información adicional sobre la tresmisión del virus ente la población de 60 y más años.

Per otra parte, del 9 al 12 de xunu finaron n'Asturies por coronavirus 4 persones con edaes ente los 64 y los 100 años. Amás, el domingu pasáu permanecíen hospitalizaos con confirmación de covid 133 pacientes: 122 en planta y 11 en UCI.

Pruebes diagnóstiques d'infección activa

Nel actual contestu d'alerta altu que vive'l Principáu, les pruebes diagnóstiques d'infección activa realícense según el criteriu del profesional sanitariu qu'atienda a una persona con clínica compatible, con independencia de la edá o d'otros factores de vulnerabilidá.

Salú aconseya que les persones con síntomes, tengan o non confirmación por aciu prueba diagnóstica, cumplan coles midíes de protección yá conocíes: llaváu de manes, distancia social, usu del mázcaru y restricción al máximu de les sos interacciones sociales.

Na población xeneral, los casos confirmaos leves y asintomáticos nun van tener que realizar aislamientos y tendrán de siguir los encamientos preventivos enantes comentaos.

Nos ámbitos vulnerables –centros sanitarios o sociosanitarios-, si'l positivu ye un residente o usuariu, va realizase un aislamientu de 5 díes dende l'entamu de los síntomes o dende'l diagnósticu nos casos asintomáticos. L'aislamientu va rematar siempre que trescurrieren 24 hores tres el fin de los síntomes.

Si'l positivu ye un trabayador nun tien d'allegar al so centru de trabayu mientres los primeres 5 díes dende l'entamu de los síntomes o de la fecha de diagnósticu en casu de ser asintomáticu. Pa la so reincorporación tendrán de trescurrir 24 hores dende la desapaición de los síntomes y tener un test de antígenos negativu.

Amás, nos centros residenciales pueden aplicase midíes d'intervención y control específiques énte la detección d'un solu casu en residentes o de trés casos en trabayadores.

Campaña de vacunación

Les autoridaes sanitaries insisten na importancia de vacunase, especialmente quien tovía nun lo fixeron o tean pendientes de completar la pauta o dosis d'alcordanza. Nesti sentíu, faen especial fincapié en persones menores de 40 años, nes que la cobertura ye menor.

Según los últimos datos, el 90,96% de la población asturiana (926.714 persones) recibió yá dos dosis de la vacuna contra'l coronavirus, ente que el 92,17% (939.014 persones) tien polo menos la primera. Si se toma como referencia la población diana (de 5 años d'equí p'arriba), el porcentaxe con doble dosis algama'l 93,74%. En total, dende l'entamu de la campaña inoculáronse 2.497.475 dosis.

Al respective de la profilaxis de refuerzu, hasta agora alministráronse 731.656, lo que representa una cobertura del 85,05% de les persones mayores de 30 años.