Categories Navigation

Categories Navigation

Asturias agota el presupuesto del Plan Moves III para puntos de recarga de vehículos eléctricos y solicita una ampliación de fondos

16/06/2022



La directora xeneral d’Enerxía, Minería y Reactivación, Berlamina Díaz, participa na constitución del grupu de trabayu de infraestructures de recarga del vehículu eléctricu

La Conseyería d'Industria, Empléu y Promoción Económica escosó los fondos del Plan Moves III de movilidá sostenible y eficiencia pa la instalación de puntos de recarga. Asina lo aseguró la directora xeneral d'Enerxía, Minería y Reactivación, Berlamina Díaz, que participó esta mañana en Madrid na constitución del grupu de trabayu d'Infraestructures de Recarga del Vehículu Eléctricu, que presidió'l presidente del Gobiernu, Pedro Sánchez.

Industria tien convocaos 7,94 millones d'euros del Plan Moves III, de los que 5,16 millones (65%) destínense a l'alquisición de vehículos eléctricos y 2,78 (el 35% restante) al esplegue d'infraestructures de recarga. El plazu de presentación de les solicitúes ta abiertu hasta'l 31 d'avientu de 2023 y yá s'escosó la partida correspondiente a puntos de recarga, polo qu'existe llista d'espera. Por ello, el Gobiernu d'Asturies va solicitar una ampliación de los fondos al Idae.

Pa la instalación de puntos de recarga eléctrica de vehículos eléctricos, les ayudes son del 70% del costu subvencionable nel casu de los particulares, que puede xubir al 80% si se realiza en conceyos de menos de 5.000 habitantes, con un llímite de 5.000 euros por espediente. Nel casu de les empreses, les ayudes son del 30% pa infraestructures con una potencia menor de 50 kW y del 35% pa potencies mayores de 35 kW, que puede llegar al 40% si tán allugaes en conceyos menores de 5.000 habitantes. Estos porcentaxes incrementen en 10 puntos pa empreses medianes y 20 puntos pa pequeñes empreses. El llímite d'ayudes pa esta actuación ye de 800.000 euros por espediente, con una llende de 2,5 millones por destinatariu en tol periodu de vixencia del programa.

Amás, el presidente del Gobiernu, Pedro Sánchez, anunció que les ayudes del Plan Moves III van ampliase en 235 millones en escosándose "prácticamente" en toles comunidaes el presupuestu destináu a la infraestructura de recarga.