• Enrique Fernández visita la planta, onde trabayen 50 persones

El conseyeru d’Industria, Emplegu y Promoción Económica, Enrique Fernández, valoró l’anuncia que dio güei la dirección de la compañía Expal d’ampliar la producción y l’emplegu na so factoría de Trubia cola incorporación de productos nuevos. El centru fabricante de componentes metálicos –vaina y el propiu proyectil- pa municiones de mediu y gran calibre, dispón de 50 trabayadores, los mesmos que tenía primero de que zarrare temporalmente nel 2020. Amás, recuperó los niveles d’actividá previos al cese de la producción.

“Esta anuncia tien un efectu dinamizador del sector industrial de la defensa”, resaltó’l conseyeru. Fernández resaltó les perspectives d’Expal y del sector n’Asturies, con más d’una ventena de compañíes que yá tán acreitaes como provisores. Amás, destacó que’l sector cunta con perspectives de collaboración con centros d’innovación y pymes pa realizar actuaciones conxuntes al traviés de l’acabante crear Asociación Empresarial de Tecnoloxía d’Asturies pal Desenvolvimientu de la Industria de la Defensa Inxenieru González-Hontoria.

Fernández tuvo güei un alcuentru cola dirección d’Expal y percorrió les instalaciones de munición y de forxa qu’acaba de reabrir en Trubia. El conseyeru reunióse col presidente de la empresa, José Luis Urcelay, y tuvo acompañáu pol director xeneral d’Industria, Juan Carlos Aguilera, y la directora xeneral d’Enerxía, Minería y Reactivación, Belarmina Díaz.

Portal Gobierno Actualidad