Categories Navigation

Categories Navigation

La Biblioteca d’Asturies ufierta accesu al fondu de publicaciones y archivos en formatu dixital de la Biblioteca Nacional

20/06/2022



Les consultes van poder realizase dende los puntos habilitaos na sede d'El Fontán, pero nun podrá copiase nin descargar la información consultada pa garantizar los derechos de propiedá intelectual intelectual

La Biblioteca d'Asturies, dependiente de la Conseyería de Cultura, Política Llingüística y Turismu, suma al so catálogu de servicios la posibilidá de que los sos usuarios apuerten al repositoriu de la Biblioteca Nacional. Esta opción va permitir al públicu la consulta del vastu fondu de publicaciones y archivos en formatu dixital que guarda la institución.

Les consultes van poder realizase dende los puntos habilitaos na sede de la mesma biblioteca, pero los usuarios nun van poder copiar nin descargar la información pa garantizar asina la salvaguarda de los derechos de propiedá intelectual.

El repositorio de la Biblioteca Nacional atesora, ente otros fondos, l'archivu de la web española, la colección formada polos sitios web (blogues, foros, documentos, imáxenes, videos, etc.) que s'axunten pa caltener el patrimoniu documental español n'internet y asegurar l'accesu al mesmu. En 2021 guardábense 2 millones de dominios. Tamién puede consultase'l depósitu llegal electrónicu y un total de 294 publicaciones periódiques en prepublicación de prensa diaria.

A esto añade otru material dixital que, anque nun provién del depósitu llegal, foi depositáu poles plataformes españoles de llibros electrónicos y otres instituciones editores. El repositoriu inclúi anguaño más de 60.000 llibros electrónicos.