Categories Navigation

Categories Navigation

Asturies caltiense en nivel baxu d’alerta por covid

22/06/2022
  • El domingu permanecíen hospitalizadas con confirmación de coronavirus 168 persones: 155 en planta y 13 en UCI

Asturies caltiense en nivel baxu d’alerta por covid, conforme los criterios de la nueva estratexa de vixilancia y control qu’entró a valir el 28 de marzu. La evolución de la pandemia nel Principáu pue consultase nel enllaz https://cutt.ly/VKlTdl1

Loa indicadores rellacionaos col usu de los servicios asistenciales son los que determinen el nivel de riesgu, anque l'actual sistema de siguimientu ufierta tamién información adicional sobre la tresmisión del virus ente la población de 60 y más años.

Per otra parte, del 16 al 19 de xunu finaron n'Asturies por coronavirus 5 persones con edaes d’ente los 62 y los 95 años. Amás, el domingu pasáu permanecíen hospitalizaos con confirmación de covid 168 pacientes: 155 en planta y 13 n’ UCI.



Pruebes *diagnósticas d'infección activa

Nel l contestu actua d'alerta altu que vive'l Principáu, les pruebes diagnostiques d'infección activa realícense según el criteriu del profesional sanitariu qu'atienda a una persona con clínica compatible, con independencia de la edá o d'otros factores de vulnerabilidá.

Salú aconseya que les persones con síntomes, tengan o non confirmación por aciu prueba diagnóstica, cumplan coles midíes de protección yá conocíes: llaváu de manos, distancia social, usu del mázcara y restricción al máximu de les sos interacciones sociales.

Na población xeneral, los casos confirmaos leves y asintomáticos nun van tener que realizar aislamientos y tendrán de siguir los encamientos preventivos enantes comentaes.


Nos ámbitos vulnerables –centros sanitarios o sociosanitarios-, si'l positivu ye un residente o usuariu, va realizase un aislamientu de 5 díes dende l'entamu de los síntomes o dende'l diagnósticu nos casos asintomáticos. L'aislamientu va rematar en trescurriendo 24 hores tres el fin de los síntomes.


Si'l positivu ye un trabayador nun tien d'allegar al so centru de trabayu nos primeres 5 díes dende l'entamu de los síntomes o de la fecha de diagnósticu en casu de ser asintomático. Pal so reincorporación tendrán de trescurrir 24 hores dende la desapaición de los síntomes y tener un test d’antíxenos negativu.

Amás, nos centros residenciales pueden aplicase midíes d'intervención y control específiques énte la detección d'un solu casu en residentes o de trés casos en trabayadores.



Campaña de vacunación

Les autoridaes sanitaries aportunen na importancia de vacunase, especialmente quien non lo fixeron inda o tean pendientes de completar la pauta o dosis d'alcordanza. Nesti sentíu, faen especial fincapié en persones menores de 40 años, nes que la coberturaa ye menor.

Según los últimos datos, el 90,96% de la población asturiana (926.703 persones) recibió yá dos dosis de la vacuna contra'l coronavirus, ente que el 92,17% (939.003 persones) tien siquier la primera. Si se toma como referencia la población diana (de 5 años d'equí p'arriba), el porcentaxe con doble dosis algama'l 93,74%. En total, dende l'entamu de la campaña inoculáronse 2.497.877 dosis.

Al respective de la profilaxis de refuerzu, hasta agora alministráronse 732.063, lo que representa una cobertura del 85,10% de les persones mayores de 30 años.