Categories Navigation

Categories Navigation

El Gobiernu d’Asturies convoca 600.000 euros n’ayudes a entidaes asociatives agraries pa la meyora de les esplotaciones

24/06/2022
  • ​​​​​​​La subvención impulsa la crecedera y la revalorización de les producciones y contribuye a xenerar actividá nel mediu

La Conseyería de Mediu Rural y Cohesión Territorial convocó 600.000 euros n’ayudes a entidaes asociatives agraries pa la meyora de les esplotaciones. El plazu pa presentar les solicitúes remata’l 7 de xunetu próximu (https://cutt.ly/rKnQPhq).

La subvención ye plurianual y ta cofinanciada pola Unión Europea al traviés del Fondu Européu de Desenvolvimientu Rural (Feader). L’aportación económica destínase a facilitar l’accesu de les cooperatives a factores de producción que nun podríen incorporar de forma individual por cuenta de los costos de la inversión. Les ayudes dexen la compra de maquinaria y equipamientu, como máquines de sema directa y equipos pa la optimización de la recoyida de la lleche, coles que s'empresten servicios a les esplotaciones agrícoles y ganaderes que conformen les entidaes asociatives beneficiaries de les ayudes.

Esta midida constituye un instrumentu importante pa promover la crecedera y la revalorización de les producciones y contribuye a xenerar actividá y estimular al sector primariu, una y bones les esplotaciones pueden acceder a tecnoloxíes innovadores que contribuyen, al empar, al fortalecimientu social del mediu rural.