Categories Navigation

Categories Navigation

Asturies preside pela primer vez l’Asociación Española de Xestores Públicos de Vivienda y Suelu

29/06/2022
  • La xerente de Vipasa, María Montes, sustituye nel cargu a Jerónimo Escalera, ex-presidente de la empresa Patrimoniu Municipal de Majadahonda

La xerente de Vipasa, María Montes, foi escoyida güei presidenta de l’Asociación Española de Xestores Públicos de Vivienda y Suelu (AVS) na asamblea xeneral ordinaria del colectivu mentáu, que se celebró n’Uviéu.

Montes sustituye a Jerónimo Escalera, de la empresa Patrimoniu Municipal de Majadahonda, qu’ocupó la presidencia d’AVS a lo llargo de los últimos ocho años.

La xerente de Vipasa conviértese asina na primer muyer al frente d’esta asociación, integrada por 144 entidaes y que dende’l 2020 ta presente nel máximu órganu de dirección de Housing Europe —la Federación Europea de Vivienda Pública, Cooperativa y Social—, nos sos 38 años d’historia.

La candidatura de la empresa pública asturiana, la única presentada, ye frutu del consensu y ta integrada, amás de por María Montes como presidenta, pol xerente del Institutu Municipal de Vivienda de Málaga, José María López, como vicepresidente, y pol subdirector operativu y xurídicu de Viviendes Municipales de Bilbao, José María Escolástico, como vocal.

Ente los retos de la directiva nueva destaquen los de tener un papel protagonista na xestión de los fondos europeos del Mecanismu de Recuperación y Resiliencia, y canalizar la interlocución del sector colos axentes políticos, empresariales y sociales.


Leer en Gobierno > Actualidad