Categories Navigation

Categories Navigation

El Gobiernu d’Asturies noma a Eva Ledo directora xeneral de Personal Docente

25/07/2022
  • La presidenta actual del Conseyu d’Asturies de la FP yá ocupó la llexislatura pasada’l cargu qu’asume agora

El Conseyu de Gobiernu aprobó esta tarde, nuna xunta estraordinaria, el nomamientu d’Eva Ledo Cabaleiro como directora xeneral nueva de Personal Docente de la Conseyería d’Educación.

Eva Ledo (Avilés, 1966) ye inxeniera industrial especializada n’Electricidá. El 18 de marzu pasáu foi nomada presidenta del Conseyu d’Asturies de la Formación Profesional, responsabilidá qu’exerció hasta esti momentu. Na llexislatura pasada yá ocupó’l cargu de directora xeneral de Personal Docente y enantes fore xefa del Serviciu de Formación Profesional y Enseñances Profesionales. 

Dende’l 1995 ye funcionaria de carrera del cuerpu de Profesores d’Enseñanza Secundaria nes especialidaes de Tecnoloxía y Sistemes Electrónicos y Automatismos y forma parte del cuerpu d’Inspectores d’Educación dende’l 2014. Tamién trabayó nos ámbitos de la siderurxa, la informática y la inxeniería de proyectos.

La directora xeneral nueva releva nel cargu a Miguel Sariego, que dimitió la selmana pasada depués d’asumir los errores del procedimientu selectivu al cuerpu de maestros, xestionáu por un comité dependiente del so departamentu.

El Gobiernu d’Asturies va nomar nos díes vinientes a la persona que va asoceder a Eva Ledo na presidencia del Conseyu d’Asturies de la Formación Profesional.