Categories Navigation

Categories Navigation

El Principáu tien ocho oficines territoriales pa facilitar les xestiones urbanístiques de conceyos y particulares

13/04/2021

- La directora xeneral Sonia Puente Landázuri va visitar estes sedes n’A Veiga, Bual, Cangas del Narcea, Pravia, Proaza, Nava, Cangues d’Onís y Ribadeva pa detectar posibles necesidaes .

La Conseyería de Mediu Rural y Cohesión Territorial dispón d’una rede d’ocho oficines territoriales qu’atienden consultes o xestiones urbanístiques de conceyos y particulares. La directora xeneral d’Ordenación del Territoriu y Urbanismu, Sonia Ponte Landázuri, va visitar llueu estes sedes pa potenciar la so actividá y detectar posibles necesidaes.

Les oficines tán n’A Veiga, Bual, Cangas del Narcea, Pravia, Proaza, Nava, Cangues d’Onís y Ribadeva y cunten con dos técnicos (arquitectu y abogáu), dependientes del Principáu, que tramiten, informen y asesoren a la ciudanía y los consistorios. Nel primer casu, atienden, ente otres, cuestiones sobre les condiciones urbanístiques necesaries pa edificar una vivienda o implantar una actividá, mentes que’l so oxetivu en rellación colos conceyos ye dar asesoramientu profesional y sofitu directu.

Pa dir a estes instalaciones ye menester solicitar cita previa telefónica. A tenor de cada casu, va informar a la persona interesada sobre la documentación que ye preciso presentar y va ponese una reunión pa l’atención presencial, xeneralmente ente les 9 y les 14 hores.

Nel 2020, esta rede d’oficines xestionó 780 espedientes rellacionaos, por exemplu, con cuestiones sobre la tramitación pa construyir un garaxe, acometer una ampliación, parcelar una finca, crear un agospedamientu rural, abrir un taller o instalación, remocicar una vivienda y ampliar una esplotación agrícola o ganadera.

La directora xeneral esplicó que l’oxetivu de les visites ye dar a conocer estes sedes, detectar posibles necesidaes y consensuar colos conceyos el so funcionamientu; amás de conocer la planificación territorial de los conceyos. 

 

Mapa d'Oficines Urbanístiques (Pdf: 2014 Kb)