Categories Navigation

Categories Navigation

El Principáu y la Unión de Comerciantes impulsen una rede de distribución de productos de la marca Alimentos del Paraíso

14/04/2021

- L'alcuerdu va promover la compra de la producción amparada por esti sellu de calidá en tiendes de pequeñu y medianu tamañu.

- Un logo va identificar los establecimientos que se xunten a esta iniciativa, que potencia les canales curties de comercialización .

El Principáu y l'Unión de Comerciantes d'Asturies impulsen una rede de comercios distribuidores de productos de la marca Alimentos del Paraíso. D'esta miente, pretenden promocionar la compra d'alimentos amparaos por esti sellu de calidá en tiendes de pequeñu y medianu tamañu.

Los comercios minoristes que s'acueyan a esta iniciativa van exhibir un logo que va permitir a los consumidores identificalos fácilmente a la de realizar les sos compres. Esta ye la primer esperiencia que se pon en marcha n'Asturies para unir la producción cola distribución de menor tamañu, que ye tamién la más trupa nel territoriu (anguaño, unes 900 empreses formen parte de l'asociación Unión de Comerciantes).

D'esta miente, amás de fomentar el consumu de los Alimentos del Paraísu, poténciense les canales curties de comercialización y promuévese la compra nestos establecimientos.

Al marxe de la puesta en marcha d'esta midida, que favorez l'usu de la marca pol pequenu comerciu, tamién se ta trabayando para estender el so usu a otros sectores de la distribución, el consumu y el turismu, siempre venceyada al distintivu Asturies Paraísu Natural.

Los conseyeros de Mediu Rural y Cohesión Territorial, Alejandro Calvo, y d'Industria, Empléu y Promoción Económica, Enrique Fernández, y los presidentes de la Federación Asturiana de Conceyos (FACC) y de la Unión de Comerciantes del Principáu d'Asturies, Cecilia Pérez y Sara Menéndez, respectivamente, presentaron esta mañana l'alcuerdu nun actu al qu'asistieron tamién la directora xeneral de Desenvolvimientu Rural y Agroalimentación, Begoña López, y el director xeneral de Comerciu, Entamadores y Economía Social, Julio Zapico..

La marca Alimentos del Paraíso Natural estrema los productos agroalimentarios y pesqueros producíos y/o ellaboraos n'Asturies, garantizando'l so orixe xeográficu y certificando la so calidá. Anguaño, el sellu cunta con 347 operadores inscritos y nos últimos años cuadruplicóse’l el númberu de productores y ellaboradores xuntaos.