Categories Navigation

Categories Navigation

El Principáu avanza na negociación de la nueva normativa pa caltener el modelu de xestión actual de la caza

15/04/2021

- El director xeneral del Medio Natural, David Villar, comunica al conseyou rexonal que les llineas de subvención a les sociedaes encargaes de los cotos tripliquen la so cuantía esti exerciciu.

El Conseyu Rexonal de la Caza del Principáu analizó na xunta telemática que presidió esta tarde'l titular de Medio Rural y Cohesión Territorial, Alejandro Calvo, la reforma estructural de los preseos que rixen la caza na comunidá. Les propuestes presentaes pol Gobiernu d'Asturies permiten caltener l'actual modelu de xestión, adaptándolu a la realidá sociodemográfica.

La normativa, con más de trenta años de vixencia, rique un cambéu, especialmente de los aspectos que pueden comprometer la viabilidá de l'actividá. Asina, l'Executivu autonómicu pretende adaptar los pliegos de condiciones pa la concesión de los cotos y garantizar l’equilibriu ente la custodia del territoriu y la dinamización del texíu socioeconómicu de les zones rurales.

El director xeneral del Mediu Natural y Planificación Rural, David Villar, propunxo al Conseyu Rexonal de la Caza otorgar más puntuación a les sociedaes con mayor enraizamientu y tradición, mesmo por adaptar el númberu d'efectivos de la Guardería del Mediu Natural a la superficie xestionada, ameyorando la vixilancia y seguridá de la práctica cinexética.

Otramiente, Villar informó al conseyu de que les llinies de subvención a les sociedaes xestores, que se van convocar nes próximes selmanes, van triplicar esti exerciciu la so cuantía. En total, van destinase 157.000 euros pa collaborar cola viabilidá económica d'estes entidaes.

Per otru llau, esplicó que se van financiar al 100% les ayudes empobinaes a llabradores y ganaderos destinaes a impulsar midíes como la construcción de corralaes, la instalación de llendadores o la compra de perros, y que se va ellaborar un nuevu reglamentu que va incluyir l'actualización del baremu pal pagu de les indemnizaciones por daños de la fauna selvaxe.