Categories Navigation

Categories Navigation

El Gobiernu d'Asturies crea una rede de servicios y centros pa impulsar el nuevu modelu d'atención a persones mayores y con discapacidá

15/04/2021

- Esta iniciativa va permitir calcular les necesidaes de financiación y evaluar l’adaptación de las actuales residencies.

- Los miembros de la mesa Mares disponen d’un mes pa plantear propuestes al documentu de trabayu, que define seis llinies enfocaes a promocionar el bienestar y la autonomía .

La Conseyería de Derechos Sociales y Bienestar trabaya na creación d'una rede de servicios y centros pa impulsar el nuevu modelu d'atención a les persones mayores y con discapacidá. Les esperiencies y pilotaxes llevaos a cabu nos recursos que se xunten a esta rede van dexar al Principáu cuantificar les necesidaes de financiamientu y les actuaciones d'adaptación nes residencies actuales.

La conseyera Melania Álvarez esplicó que la rede ta empobinada a impulsar el tresformamientu del modelu, y que los centros que se sumen, tantu públicos como privaos, van adquirir el compromisu de convertise en motor de cambéu. Pela so parte, Derechos Sociales va poner en marcha les ferramientes d’apoyu necesaries “pa llevar a bon puertu un cambéu fondu que, ensin dulda, va ser llargu, complexu y estensu nel tiempu”.

Amás, la conseyería abrió un plazu d'un mes pa que los axentes presentes na mesa de trabayu Mares, el grupu creáu pa diseñar el nuevu sistema d'atención residencial centráu na persona, puedan plantegar aportaciones a la primer versión del documentu de trabayu. Esti borrador define les principales llinies a curtiu, mediu y llargu plazu, pa dar forma definitiva al plan d'acción. En concreto, define seis árees d'actuación con distintes llinies más específiques.

Esta iniciativa refuerza les estratexes del Principáu nesti ámbitu, como Estrena, diseñada pa la promoción del avieyamientu activu, o'l Plan de Coordinación Sociosanitaria.

El documentu de trabayu básase en midíes como l'aplicación contextualizada de los protocolos que busquen la seguridá colectiva, embriviendo los daños emocionales y sociales de los mayores, y l'analís individual d'estes midíes enfocaes escontra la seguridá y el bienestar, que se van aplicar afaciéndoles a la situación física, social, cognitiva, emocional y moral de #cada persona.

Amás, van impulsase procesos de toma de decisiones compartíes, incluyendo a la persona beneficiaria del recursu o serviciu y al so familiar de referencia o representante llegal. Tamién se va trabayar con planificación énte posible situaciones de riesgu a les que podría enfrentase la persona mayor, col fin de poder ufierta-y xuna respuesta antemanada dende l'Alministración.

El nuevu modelu articúlase sobre cuatro pilares: la salú integral, la seguridá, l'atención centrada na persona y l’entornu facilitador, talmente que impulse les actividaes de la vida cotidiana y fomente les relaciones sociales y la vida en comunidá.

Los miembros de la mesa Mares, formada por representantes del organismu autónomu Establecimientos Residenciales pa Vieyos d'Asturies (ERA), les asociaciones de familiares, la Federación d'Asociaciones de Mayores (Fampa), les patronales del sector y los sindicatos, tienen agora un mes de plazu presentar les sos propuestes.

 

 

Audio (Mp3: 1286 Kb)