Categories Navigation

Categories Navigation

Derechos Sociales recibió 576 notificaciones de desprotección de menores mientres 2020, de les cuales 335 derivaron n'espedientes

30/09/2021

 
 

La Conseyería de Derechos Sociales y Bienestar recibió 576 notificaciones de posibles casos de desprotección de menores mientres 2020, de les que 336 derivaron nun espediente de protección, según pon de manifiestu la memoria del Institutu Asturianu pa l'Atención Integral a les Families. Les cantidaes son llixeramente inferiores a les del 2019, cuando fueron 614 les notificaciones y 364 los espedientes abiertos. Aproximao un 80 % de les notificaciones del últimu añu correspuenden a casos nuevos.

La conseyera de Derechos Sociales y Bienestar, Melania Álvarez, y la directora del Institutu Asturianu pa l'Atención Integral a les Families, Marta del Arco, presentaron esta mañana la memoria, que cunta amás con un documentu anexu nel que se fai un análisis específicu del impactu de la pandemia nos centros de menores dependientes del Principáu.

Del Arco afirmó que “el confinamientu supunxo para los y les menores n'acoyimientu residencial un cambéu nes sos relaciones familiares, yá que mientres trés meses los abrazos fueron sustituyíos por pantalles”.

La directora del institutu tamién punxo en valor el sistema de protección de menores del Principáu. “Hai que facer especial mención a la capacidá d'adaptación y fortaleza de los y les menores y les sos families pa vivir esti tiempu coles condiciones que cada momentu imponía. Tamién al personal de los centros, declarao serviciu esencial, que tuvo trabayando na atención directa con profesionalidá y dedicación en tou momentu”, añedió Del Arco.

La memoria puede consultase nesti link: https://www.socialasturias.es/servicios-sociales/publicaciones/memorias_822_1_ap.html


 Declaraciones (Mp3: 1,4 Mb)