Categories Navigation

Categories Navigation

Mediu Rural saca a llicitación en 465.728 euros les obres de la rede de caminos de la concentración parcelaria de Piedrafita y Xalón, en Cangas del Narcea

28/08/2021
  • Les empreses interesaes tienen de plazu hasta’l día 9 de setiembre

La Conseyería de Mediu Rural y Cohesión Territorial sacó a llicitación en 465.728 euros les obres p'acondicionar una rede de caminos qu'ameyore los accesos y dote de nuevos a les finques resultantes de la concentración parcelaria de Piedrafita y Xalón, en Cangas. Les empreses interesaes n'executar los trabayos pueden presentar les sos ufiertes hasta'l 9 de setiembre y van tener un plazu de siete meses pa completalos.
 
La zona de concentración parcelaria sobre la que s'actúa afecta a los núcleos de población de Piedrafita y Xalón, dambos pertenecientes a la parroquia de Xedré, na zona sur del conceyu. La superficie total ye de más de 196 hectárees, distribuyíes en 365 parceles, de les que 100 son de tierres y praos y 95 de superficie de monte.
 
Col fin de facilitar l'aprovechamientu de los recursos agrarios de la zona y ameyorar les infraestructures, la dirección xeneral d'Infraestructures Rurales y Montes va habilitar una nueva rede de 10.273 metros lliniales de caminos, colos qu'amás de facilitar l'accesu rodáu a toles finques, dótase-yos d'una anchor afayadiza pal tránsitu de los vehículos agrícoles y los sos preseos. L'actuación inclúi la meyora de trazaos, curvatures, rasantes, cuestes y sistemes de drenaxe, ente otros aspeutos.