Categories Navigation

Categories Navigation

El Principado organiza un ciclo de cine de verano para concienciar sobre la importancia de la biodiversidad y dinamizar el territorio

30/07/2021

 
 

  • Les películes escoyíes son Cantábrico, Guadalquivir, Dehesa y Nómadas del viento.
  • Les proyecciones van celebrase los vienres d'agostu en cuatro centros de la Rede Natural d'Asturies y l'accesu va ser llibre y gratuitu, hasta enllenar l’aforu.
  • Cantábrico.
  • Nómadas del viento.
  • Guadalquivir.
  • Dehesa.

La Dirección Xeneral del Mediu Natural, en collaboración cola Fundación Oso Asturies, pon en marcha un ciclu de cine de branu pa concenciar a la población local y a los visitantes sobre la importancia de caltener la biodiversidá. L'actividá tamién va dexar dinamizar el territoriu dende'l puntu de vista cultural y social.

Los centros d'interpretación de la Rede Natural d'Asturies (RENA) del Parque Natural de Redes (Casu), de la Reserva Natural Parcial de la Ría de Villaviciosa, la Casa del Osu (Proaza) y el de Courias (Cangas) van acoyer una proyección cada vienres d'agostu. L'accesu va ser llibre y gratuitu hasta enllenar un aforu restrinxíu poles midíes de prevención énte la covid-19.

Les películes escoyíes pa esti ciclu: Cantábrico, Dehesa, Guadalquivir y Nómadas del viento, van dir rotando pelos cuatro centros. De siguío, va una sinopsis curtia de caúna d'elles.

  • Cantábrico

Un cordal imponente de más de 400 quilómetros llevántase como una gran barrera paralela a la mariña del mar que lleva'l so nome, el Cantábricu. Na so otra vertiente, preséntase enllena de cañones y montes continentales de fayes, carbayos y castañales. Ye'l territoriu del osu pardu cantábricu, que se convierte en filo conductor de la película.

  • Nómadas del viento
  • El llargumetraxe céntrase nes aves migratories y les sos travesíes de miles de quilómetros, con bien de peligros qu’han encarar pa sobrevivir.

  • Guadalquivir
  • El ríu Guadalquivir ye'l calce que xune trés de los espacios naturales más importantes d'España: Cazorla, Sierra Morena y Doñana. La película amuesa la vida al pasu de la corriente y los paisaxes d'estes tres árees, onde habiten l’águila real, el venáu y la cabra montesa, en distintes dómines del añu.

  • Dehesa

Un monte únicu nel mundu con encines, sufreres y caxigales ye onde habiten grandes herbívoros y la redolada onde cacen llobos cervales ibéricos y águiles. Tamién ye un llugar que recibe cada añu a miles de viaxeros de llarga distancia que busquen un clima más templáu y un alimentu singular: les abeyotes.


 Declaraciones (Mp3: 518 Kb)

 Programa cine de verano red natural (Pdf: 292 kB)