Categories Navigation

Categories Navigation

El Principáu afonda nos aspectos xurídicos de la futura Llei d'Ordenación Integral del Territoriu

05/10/2021

  • El catedráticu de Derechu Alministrativu Alejandro Huergo coordina unes xornaes telemátiques centraes nel ámbitu xurídicu qu'afecta a esti tipu de normes.

La Conseyería de Mediu Rural y Cohesión Territorial, en coordinación col Institutu Asturianu d'Alministración Pública Adolfo Posada (IAAP), impulsa un programa formativu sobre la futura Llei d'Ordenación Integral del Territoriu d'Asturies (LOITA). Con estes xornaes, el Principáu pretende ufiertar les distintes perspectives de cada ámbitu d'intervención y actuación territorial.

El catedráticu de Derechu Alministrativu de la Universidá d'Uviéu, Alejandro Huergo, va ser l'encargáu de coordinar estos alcuentros, que van celebrase de forma telemática los díes 7 y 8 d'ochobre.

Les xornaes, que van empezar el xueves viniente a les 16:30 hores y van concluyir el vienres a les 13, van cuntar con académicos y estudiosos de distintes instituciones del país. Catedráticos de derechu alministrativu como José María Baño, Fernando López o Francisco José Villar van tomar parte nos alcuentros xunto cola doctora en Derechu María José Valenzuela o les profesores universitaries Fuensanta Gómez y Alicia Espejo.

Toles ponencies van encarar, dende perspectives distintes, l'ámbitu xurídicu sobre'l que pivoten les lleis d'ordenación del territoriu.

Más información y inscripciones: https://acortar.link/lYIDL9


Programa (pdf: 347 Kb) (n'español)