Con fecha 19 d’avientu del 2022, adoptóse pola Comisión Europea la Decisión d’aprobación del Programa FSE+ del Principáu d’Asturies 2021-2027. Con esti Programa quier atendese al oxetivu políticu 4. Una Europa más social y inclusiva, al traviés de l’aplicación del pegollu européu de derechos sociales. Esti programa prevé pa tol periodu unes inversiones cola mira d’algamar una Europa más social y inclusiva, al traviés de l’aplicación del pegollu européu de derechos sociales, por importe de 212 millones d’euros, de los que’l 60 % va ser l’ayuda de la Unión Europea, más de 127 millones y el 40 % restante, esto ye, alredor de 85 millones d’euros, va ponelu’l Principáu d’Asturies.

Les midíes incluyíes nel programa céntrense en cinco prioridaes: emplegu (26 % del programa), inclusión social (31 %), educación y formación (18 %), emplegu xuvenil (13 %) y garantía infantil (8 %); el 4 % restante va destinase a l’Asistencia Técnica del Programa

Documentación:

• Reglamentu (UE) 2021/1057 del Parllamentu Européu y del Conseyu de 24 de xunu de 2021 pol que s'establez el Fondu Social Européu Plus (FSE +)
• ​​​​​​​Programa FSE+ Principáu d'Asturies 2021-2027 (pdf: 2.8 Mb)
• Decisión d'aprobación de la Comisión Europea C(2022) 9795 de 19/12/2022 (pdf: 169 kb)