Bienes d'interés cultural (BIC)
Inventariu del patrimoniu cultural (IPCA)
Visor de bienes d'interés cultural (BIC)
Ufierta información sobre tolos BIC declaraos d’Asturies con datos históricos y llegales, amás d’información fotográfica y cartográfica. Nel mapa atópase’l bien y determínase la so contornada de protección llegal.
Normativa en materia de patrimoniu cultural asturianu
- Accesu a la Recopilación de normativa sobre patrimoniu cultural asturianu (pdf: 1,28 Mb)
- Llei del Principáu d’Asturies 1/2001, de 6 de marzu, de Patrimoniu Cultural.
- Decretu 126/2001, de 18 d’ochobre, pol que s’aprueba’l Reglamentu de composición y funcionamientu de la Comisión de Valoración de Bienes del Patrimoniu Cultural d’Asturies.
- Decretu 15/2002, de 8 de febreru, pol que se regula la organización y funcionamientu del Conseyu del Patrimoniu Cultural d’Asturies.
- Decretu 18/2002, de 8 de febreru, que regula la Comisión d’Inversiones con cargu al Un por Cientu Cultural n’obres públiques.
- Decretu 20/2015, de 25 de marzu, pol que s’aprueba’l Reglamentu de desenvolvimientu de la Llei del Principáu d’Asturies 1/2001, de 6 de marzu, de Patrimoniu Cultural.
Niveles de protección del patrimoniu cultural n’Asturies
Existen trés niveles de protección:
- bienes d'interés cultural (BIC)
- inventariu del patrimoniu cultural d’Asturies (IPCA)
- catálogos urbanísticos de protección
Bienes d’interés cultural (BIC)
Son los “bienes más relevantes del patrimoniu cultural d’Asturies que, pol so valor singular, declárense como tales por decretu del Conseyu de Gobiernu del Principáu d’Asturies”.
Pueden ser bienes muebles, inmuebles o de calter inmaterial.
Los BIC inmmuebles pueden ser declaraos en dalguna d’estes categoríes: monumentu, conxuntu históricu, xardín históricu, sitiu históricu, zona arqueolóxica y vía histórica.
La declaración d’un elementu como BIC supón que pase a tar afectáu por un réxime de protección eleváu que determina, ente otres coses, la necesidá de que cualquier actuación que se lleve a cabu nel mesmu ha de ser primero informada favorablemente pola Dirección Xeneral de Patrimoniu Cultural, amás de los requisitos específicos de caltenimientu y criterios especiales de declaración de ruina, por exemplu, que determinen la non incompatibilidá d’esi estáu cola obligación de siguir calteniendo’l bien.
Tamién determinen l’aplicación de dellos beneficios fiscales, por exemplu la exención a los propietarios d’un BIC del pagu del impuestu de bienes inmuebles, como midida tendente a ayudar a la inversión nel caltenimientu del elementu protexíu.
Nel casu de los BIC inmuebles determínase, amás, un ámbitu de protección alredor del elementu protexíu, pa garantizar el caltenimientu de los valores espaciales y d’emplazamientu orixinales o que perduraron hasta la fecha.
Inventariu del patrimoniu cultural d’Asturies (IPCA)
Son los bienes muebles y inmuebles que tengan valores patrimoniales en grau notable, sacante naquellos casos nos que’l so interés escepcional suponga la so declaración como BIC.
La inclusión d’un bien nel IPCA determina l’aplicación d’un réxime de protección coincidente, en bona midida, col de los BIC.
Namás van autorizase intervenciones n’elementos inventariaos que respeten los sos valores históricos y culturales y que nun pongan en riesgu’l so caltenimientu.
Catálogos urbanísticos de protección
Son instrumentos de xestión urbanística nos que han d’incluyise tolos BIC y elementos del IPCA existentes nel conceyu, amás d’otros bienes patrimoniales que, a tenor del so interés, pueden tener protección integral, parcial o ambiental.
Nel casu de los elementos con protección integral va ser obligatoriu l’informe de la Conseyería con competencies en Cultura primero de la concesión de les correspondientes llicencies municipales de obra.
Actualizao en agostu del 2023
