Diecisiete cueves del arte rupestre paleolíticu del norte d'España, ente elles cinco asturianes, pasaron a engrosar el catálogu nel que yá ta parte del conxuntu del arte prerrománico asturianu.

Les cinco cueves asturianes son: Tito Bustillo (Ribeseya), La Peña (Candamo), Llonín (El Valle Altu de Peñamellera), Covaciella (Cabrales) y El Pindal (Ribedeva).

Les cinco cueves constituyen exemplos escepcionales d'arte rupestre. Toes tienen un ricu y variáu repertoriu iconográficu, con diversidá de técniques y estilos. Trátase de les primeres manifestaciones artístiques murales de la historia de la humanidá.

Tito Bustillo axunta dalgunes de les pintures y grabaos más bellos del Paleolíticu, daqué que-y dexa asemeyase a cueves de sonadía universal como la yá citada Altamira o la francesa de Lascaux. De La Covaciella destaca'l so panel y la famosa escena de bisontes; El Pindal ye unu de los santuarios más completos y interesantes qu'existen; La Peña de Candamo ye una de los grandes apuestes del equipu actual de la Conseyería de Cultura, y Llonín  ye un llugar marcáu pola espectacularidá.

• Cueva de Tito Bustillo
• Cueva de La Peña de Candamo
• Cueva de Llonín
• Cueva del Pindal
• Cueva de Covaciella