La Comisión Europea aprobó la Decisión de fecha 1 d’ochobre del 2021 onde se recueye’l financiamientu de les midíes estraordinaries implementaes nesti exerciciu 2021  pola Conseyería de Cultura, Política Llingüística y Turismu al traviés del PO FSE Asturies 2014-202 (recursos REACT UE). Trátase  d’un financiamientu estraordinariu que forma parte de la respuesta de la Unión Europea a la pandemia de la COVID-19 dirixida a apoyar los sectores más afectaos pola pandemia, con cuenta de protexer l’actividá y l’empléu, que se citen de siguío: 

Resolución de 15 de febreru del 2021, de la Conseyería de Cultura, Política Llingüística y Turismu, pola que se convoquen ayudes urxentes a trabayadores por cuenta propia o autónoma, comunidaes de bienes, sociedaes civiles y pymes del sector cultural afectaos pola crisis de la COVID-19.

Resolución de 13 de setiembre del 2021, de la Conseyería de Cultura, Política Llingüística y Turismu, pola que se convoquen ayudes estraordinaries, supletories y urxentes destinaes a trabayadores por cuenta propia o autónomos, comunidaes de bienes, sociedaes civiles y pymes del sector cultural que nun s’atopaben al corriente nel cumplimientu de les obligaciones tributaries o frente a la Seguridá Social con cargu al fondu d’ayudes urxentes pola COVID-19 nel añu 2021. 

Resolución de 8 de payares del 2021, de la Conseyería de Cultura, Política Llingüística y Turismu, pola que se convoquen ayudes pa garantizar el caltenimientu de l’actividá y l’empléu destinaes a trabayadores por cuenta propia o autónomos y a empleadores del sector cultural que pola pandemia provocada pola COVID-19  vean afectaes sobre manera les sos actividades. 

 ​​​​​​​

​​​​​​​