Categories Navigation

Categories Navigation

Calidá y innovación turística

Marques de calidá y garantía turística
Información sobre les marques de calidá: "Casones Asturianes", "Meses d’Asturies. Escelencia Gastronómica", "Aldees, Asturies Calidá Rural" y "Sidreríes d’Asturies"

Casones Asturianes

Esti signu distintivu ye una marca propiedá del Principáu d’Asturies. La creación de la marca "Casones Asturianes" respuende a la necesidá de potenciar la calidá de los establecimientos d’agospedamientu turísticu existentes nel Principáu d’Asturies, facilitando al sector un marcu llegal pa prestixar el productu amparáu y concediendo a los consumidores una meyor información sobre la calidá de los establecimientos que s’ufierten baxo esti signu distintivu.

La regulación del usu d’esta marca ta establecida na Resolución de 12 de mayu del 2000, de la Conseyería d’Industria, Comerciu y Turismu, pola que s’aprueba’l Reglamentu d’usu de la marca "Casones Asturianes" (BOPA 119, de 24 de mayu del 2000), modificada parcialmente por Resolución de 10 d’ochobre del 2005, de la Conseyería de Cultura, Comunicación Social y Turismu (BOPA 250, de 28 d’ochobre del 2005).

Solicitú d’autorización del usu de la marca "Casones Asturianes"

 

Meses d’Asturies. Escelencia Gastronómica

El distintivu "Meses d’Asturies. Escelencia Gastronómica" ye una marca propiedá del Principáu d’Asturies que va valir pa distinguir aquellos establecimientos de restauración del Principáu d’Asturies que tengan les condiciones establecíes.

La regulación del usu d’esta marca ta establecida na Resolución de 14 d’ochobre del 2002, de la Conseyería d’Industria, Comerciu y Turismu, pola que s’aprueba’l Reglamentu d’usu de la marca "Meses d’Asturies. Escelencia Gastronómica" (BOPA 267, de 18 de payares del 2002), modificada parcialmente por Resolución de 10 d’ochobre del 2005, de la Conseyería de Cultura, Comunicación Social y Turismu (BOPA 250, de 28 d’ochobre del 2005).

Solicitud de autorización del uso de la marca "Mesas de Asturias. Excelencia Gastronómica"

 

Aldees, Asturies Calidá Rural

Van poder solicitala les cases d’aldea y los apartamentos rurales del Principáu d’Asturies que, poles sos característiques singulares y compromisu cola calidá del serviciu, se presenten como modelu de referencia d’agospedamientu rural.

La regulación del usu d’esta marca ta establecida nel Decretu 86/2014, de 8 d’ochobre, disponiendo l’adquisición del derechu de propiedá de la marca de garantía denominada "Aldees, Asturies Calidá Rural" y na Resolución de 30 de setiembre del 2015, de la Conseyería d’Empléu, Industria y Turismu, pola que s’ordena la publicación del Reglamentu d’usu de la marca de garantía “Aldees, Asturies Calidá Rural".

Solicitú d’autorización del usu de la marca "Aldees, Asturies Calidá Rural"

 

Sidreríes d’Asturies, Calidá Natural

Marca de garantía del Principáu d’Asturies creada cola mira de distinguir y poner en valor los establecimientos que, respondiendo a la cultura tradicional y del echáu, son elementos diferenciales de la ufierta turística pola calidá de les sos instalaciones y serviciu.

La regulación del usu d’esta marca ta establecida nel Decretu 2/2015, de 28 de xineru, disponiendo l’adquisición del derechu de propiedá de la marca de garantía denominada “Sidreríes d’Asturies, Calidá Natural" (BOPA 32, de 9 de febreru del 2015) y na Resolución de 25 de xineru del 2016, de la Conseyería d’Empléu, Industria y Turismu, pola que s’ordena la publicación del Reglamentu d’usu de la marca de garantía "Sidreríes d’Asturies, Calidá Natural" (BOPA 25, de 1 de febreru del 2016).

Solicitú d’autorización del usu de la marca “Sidreríes d’Asturies, Calidá Natural”