Categories Navigation

Categories Navigation

Política forestal

Desllindes de Montes d'Utilidá Pública
Montes declaraos d’utilidá pública por causa de la so importancia biolóxica, hidrolóxica, ecolóxica, económica, forestal o social (tolos documentos n'español)

Planu de montes d'utilidá pública con indicación de los desllindaos (pdf: 18,2 Mb)

Órganu tramitador: Serviciu de Montes, Sección de Xestión de Montes. Tlfnu.- 985 10 58 34

El desllinde d'un monte catalogáu d'Utilidá Pública ye un procesu alministrativu onde se determinen con exactitú los datos del monte relativos a situación, pertenencia, aprovechamientu, cabida y llendes, tanto con otros montes públicos como con terrenos particulares.

El procedimientu de desllinde d'un monte catalogáu d'Utilidá Pública queda definíu perfectamente en Decretu 485/1962, de 22 de febreru, pol que s'aprueba'l Reglamentu de la Llei de Montes, ente los artículos 79 a 137. Al tratase d'un procedimientu que'l so fin últimu ye determinar la propiedá y estremar el monte, y polo tanto estremar tamién les propiedaes vecines. El procesu contempla bien de garantíes pa los colindantes, tando previsto que puedan comparecer en delles fases del procedimientu. El resume del procedimientu ye esti:

1.- Empiezu del desllinde

2.- Publicación del edictu de principiu nel BOPA y notificación a los colindantes conocíos. L'edictu únviase a tolos colindantes y propietarios conocíos. Pa eso consúltase los titulares catastrales de cada parcela.

3.- Presentación de documentación polos colindantes(*) Los propietarios afectaos revisen la llinia marcada de mano, señalen la so colindancia, y presenten los sos títulos de propiedá de les finques.

El plazu pa la recoyida de documentación ye de 45 díes naturales a cuntar dende'l siguiente a la recepción de la notificación o de la publicación nel BOPA.

Establécense dellos díes de recoyida de documentación nel conceyu onde s'atopa'l monte.

A lo llargo de tol plazu pue revisase nel Serviciu de Montes n'Uviéu.

4.- Estudiu y clasificación de la documentación presentao polos Servicios Xurídicos de la Conseyería de Desenvolvimientu Rural y Recursos Naturales.

5.- Reconocimientu del terrén y clasificación de finques o derechos pol Inxenieru Operador.

6.- Apéu. (Redacción d'actes, Realización de planu y rexistru topográficu)(*) L'apéu consiste na delimitación física sobre'l terrén de les llendes del monte. Esta operación realízase conxuntamente colos colindantes que se presenten nél.

Mentes son les operaciones d'apéu, llevántase acta onde se describe la situación de cada piquete (marques en cada cambéu de dirección o colindancia) y la llinia que los xune.

Nes actes fáense constar toles incidencies que se producen de la que se fai l'apéu, sobre manera les reclamaciones de terrenos que realicen los colindantes

7.- Informe del Inxenieru Operador.

8.- Apertura Periodu de Vista y Reclamaciones(*) (**) Desque realizáu'l planu del desllinde, sométese a Información Pública y enséñase a tolos colindantes pa que revisen la llinia marcada .

Establécense dellos díes de revisión de la llinia nel conceyu onde s'atopa'l monte

A lo llargo de tol plazu pue revisase nel Serviciu de Montes n'Uviéu

9.- Informe Reclamaciones

10.- Informe Entidá Propietaria

11.- Resolución del espediente (*) Fases nes que participen los colindantes afectaos (**) Procesos nos que pue revisase la llinia vía web

D'estes fases, los colindantes participen nel procesu na 3.ª, onde presenten la documentación de les sos finques y les alluguen nos planos; na 6.ª, onde comparecen pa manifestar la so conformidá o disconformidá cola llinia marcada, y na 8.ª, onde, desque estudiaes les reclamaciones efectuaes n'apéu, sométese'l resultáu final a la consideranza de tolos colindantes abriendo un plazu nuevu pa reclamaciones.