Ye un catálogu ordenáu y xerarquizáu de los nomes oficiales de les entidaes de población, según consten nos decretos d’oficialización aprobaos pol Conseyu de Gobiernu y publicaos en Boletín Oficial del Principáu d’Asturies (BOPA).
Cada nome acompáñase, si ye’l casu, de la forma oficial anterior y de les variantes toponímiques que se constaten. Amás indícase la posición xeográfica de cada topónimu espresada con dos coordenaes nun determináu sistema de referencia, dexando localizalu y integralu con cualquier otra información xeorreferenciada (cartografía, ortofotografía, redes de carreteres…).
El propósitu ye facilitar un accesu rápidu y efectivu a la toponimia oficial.
Proporciónase la consulta en dellos formatos de salida: pdf, xls, accdb y kmz.
La ellaboración d’esti nomenclátor corrió a cargu d’un equipu integráu por técnicos de la Dirección Xeneral de Política Llingüística y del Centru de Cartografía dependiente de la Dirección Xeneral d’Ordenación del Territoriu y Urbanismu, siguiendo’l modelu de datos definíu pol Modelu Nomenclátor d’España na so versión 1.2.
Si tienes l’aplicación google earthgoogle earth vas poder acceder a la información xeográfica del nomenclátor contenida nesti archivu:
- NGTOPA.kmz (archivu de google earth: 174 Kb). Alvertencia: pa poder estremalos d’otros que puedan apaecer na visualización, los topónimos correspondientes a esti nomenclátor acompáñense d’una ficha avalada pola Dirección Xeneral de Política Llingüístic a.
Accesu a la información resumida:
Si tienes Microsoft Office vas poder acceder a la información completa que sigue la estructura del modelu de datos definíu pol MNEv1.2:
