Categories Navigation

Categories Navigation

Industria y enerxía n'Asturies

Información d'inspecciones d'instalaciones de protección contra quemes

Dende’l 12 d’avientu de 2017 ta vixente’l Reglamentu d’instalaciones de protección contra quemes (RIPCI), aprobáu pol Real Decretu 513/2017, de 22 de mayu. Nel so articuláu, el RIPCI establez delles obligaciones y, ente elles, l’artículu 22 dispón la d’inspeccionar les instalaciones de protección activa contra quemes, polo menos, cada diez años; siendo los titulares de les mesmes los responsables de solicitar esa inspección.

Pela so parte, la Disposición Transitoria Cuarta (DT 4.ª) del Real Decretu mentáu establez que les instalaciones de protección contra quemes existentes a la entrada en vigor del Reglamentu (suxetes a les inspecciones periódiques) han sometese a la primer inspección a los diez años de ponese en serviciu. Les instalaciones con diez o más años dende la puesta en serviciu, a la entrada en vigor d’esti Reglamentu, han sometese a la primer inspección nestos plazos máximos:

  • Instalaciones con una antigüedá mayor o igual a 20 años (anteriores a 1997): nel plazu d’un añu (antes d’avientu del 2018).
  • Instalaciones con una antigüedá mayor o igual a 15 años y menor a 20 años (ente 1997 y 2002): nel plazu de dos años (antes d’avientu del 2019).
  • Instalaciones con una antigüedá mayor o igual a 10 años y menor a 15 años (ente’l 2002 y el 2007): nel plazu de trés años (antes d’avientu del 2020).
  • Instalaciones llegalizaes dende avientu del 2007: a los 10 años de la so puesta en serviciu.

Los establecimientos afectaos por esta normativa que riquen inspección por Organismu de Control son estos:

  • Usu alministrativu con superficie construyida ~ 2000 m2
  • Usu docente con superficie construyida ~ 2000 m2
  • Usu comercial con superficie construyida ~ 500 m2
  • Pública concurrencia con superficie construyida ~ 500 m2
  • Aparcamientos con superficie construyida ~ 500 m2
  • Aquellos otros que, por superficie, nun tean incluyíos nos apartaos anteriores, pero onde confluyan zones o locales de riesgu especial altu.

En base a lo anterior, y nel exerciciu de les sos competencies en materia de seguranza industrial, el Serviciu d’Industria d’esta Conseyería d’Industria, Empléu y Promoción Económica del Principáu d’Asturies llevó a cabu campañes de comprobación del grau de cumplimientu de les obligaciones d’inspección qu’afecten a les instalaciones de protección activa contra quemes.

Eses campañes vinieron realizándose n’años anteriores cola collaboración de los organismos de control y de l’asociación ASOCAS.

Anque’l periodu transitoriu d’aplicación del RIPCI yá concluyó, inda existe un gran númberu d’edificios, establecimientos o locales que les sos instalaciones de protección contra quemes inda nun s’inspeccionó.

La finalidá d’esta Conseyería competente en materia d’industria ye la regulación, control y inspección d’esti sector que tien incidencia especial nos parámetros de seguranza; pero convién recordar que caltener l’actividá ensin superar favorablemente la inspección periódica de la instalación de protección contra quemes pue constituyir una infracción grave o mui grave, d’alcuerdu col artículu 31 de la Llei 21/1992, d’Industria, y nel so casu podría trayer una sanción de multa d’hasta 6.000.000,00 € y hasta 100 M€ pa les mui graves; ensin escaecer la adopción eventual por esta Conseyería de les midíes cautelares oportunes (suspensión de l’actividá o zarru del establecimientu).

Ye por too esto polo que nes instalaciones incluyíes n’ámbitu d’aplicación de la DT 4.ª del RD 513/2017 l’Alministración sofita les actuaciones informatives que se realicen pola ASOCIACIÓN D’ORGANISMOS DE CONTROL D’ASTURIES.

Dende la web del Principáu d’Asturies quier dase a conocer estes actuaciones que, amás de favorecer la seguranza industrial y el cumplimientu de la normativa vixente, ayuden a los titulares de les instalaciones a conocer meyor les sos obligaciones. Por eso, al traviés d’esta información quier treslladase a la ciudadanía los requisitos d’estes inspecciones, información que va ser ampliada personalmente por personal vinculao a ASOCAS con actuaciones de difusión reglamentaria sofitaes por esta Conseyería.

Infórmase, polo tanto, que personal vinculao a ASOCAS va personase nos establecimientos con instalaciones de protección contra quemes que tán dientro del ámbitu d’aplicación de la DT 4.ª del RD 513/2017 pa informalos de les sos obligaciones al respective.

Estimando de mano la collaboración de los establecimientos afectaos nesta campaña, va resolvese cualquier dulda al respective al traviés del corréu electrónicu industriaasturias.org (indicando nel asuntu "CAMPAÑA PCI”), o a ASOCAS al traviés del teléfonu 985 246 312 o corréu electrónicu infoasocas.es. ​​​​​​​

Asset Publisher

Contenidos con Jerarquía Webasturias Industria y enerxía n'Asturies .

Asset Publisher

Contenidos con Jerarquía Webasturias Industria y enerxía n'Asturies .

Contacta columna derecha

Contacta

Serviciu d'atención ciudadana

Iconu - Llámanos

Llámanos al 012 (985 279 100 dende fuera d'Asturies)

Iconu - Buzón del ciudadanu

Escríbinos al buzón ciudadanu

Iconu - Ven a venos

Ven a venos a les nuestres oficines

Iconu - Solicita cita previa

Solicita cita previa