Categories Navigation

Categories Navigation

Industria y enerxía n'Asturies

Información sobre inspecciones periódiques n'instalaciones frigorífiques y la so regularización

El Real Decretu 552/2019, de 27 de setiembre, pol que s’aprueben el Reglamentu de seguranza pa instalaciones frigorífiques y les sos instrucciones técniques complementaries, establez les condiciones que tienen que cumplir les instalaciones frigorífiques pa garantizar la seguranza de les persones, bienes y el mediu ambiente.

Les instalaciones frigorífiques tienen que tar calteníes, revisaes y inspeccionaes. Ye responsabilidá del titular de la instalación tener la so instalación frigorífica caltenida por una empresa frigorista.

Esti Reglamentu, na instrucción técnica IF-14, indica la obligatoriedá de realizar Revisiones Periódiques y Inspecciones Periódiques por Organismu de Control nestes condiciones:

 

Tipu d'instalación Periodicidá
Toles instalaciones de nivel 2 10 años
Instalaciones con carga de refrigerantes fluorados ≥ 5000 toneladas equivalentes de CO2 1 año
Instalaciones con carga de refrixerantes fluorao < 5000 tonelaes y ≥ 500 tonelaes equivalentes de CO2 2 años
Instalaciones con carga de refrixerantes fluorao < 500 toneladas y ≥ 50 tonelaes equivalentes de CO2 5 años

 

NOTA: Entiéndese por instalaciones frigorífiques de nivel 2 aquelles Instalaciones formaes por ún o dellos sistemes frigoríficos independientes ente ellos con una potencia eléctrico instalao nos compresores superior a 30 kW en dalgún de los sistemes, o que la suma total de la potencia eléctrico instalao nos compresores frigoríficos pase de 100 kW, o qu’esfrezan cámares d’atmósfera artificial, o qu’usen refrixerante de seguranza media y baxa (L2 y L3).

Amás, nesti reglamentu incorpórase una disposición transitoria mui importante qu’afecta a les instalaciones existentes primero de la entrada en vigor d’esti Reglamentu:

Los titulares d’instalaciones que nun tean inscrites nel Rexistru de la CONSEYERÍA D’INDUSTRIA, EMPLÉU Y PROMOCIÓN ECONÓMICA van disponer, de magar entre en vigor el Real Decretu, de trés años pa presentar énte l’órganu mentáu esta documentación:

Pa instalaciones de nivel 1 o de nivel 2, d’alcuerdu col artículu 8 del Reglamentu:

  1. Declaración responsable del titular o usuariu de la instalación, onde s’indique dende cuándo usa la instalación y que cumple coles obligaciones del artículu 18 d’esti Reglamentu.

  2. Informe de la empresa instaladora onde se describa la instalación y s’acompañen cálculos y planos, indicando que la instalación cumple los requisitos técnicos de la reglamentación vixente nel momentu de la fecha de realización de la instalación o de la reglamentación actual y que s’atopa nun estáu correctu de funcionamientu.

  3. Nel casu de tar sometida a inspecciones periódiques por usar carga de refrixerante fluorao superior a 50 tonelaes equivalentes de CO2 , ha acompañar un certificáu d’inspección d’una entidá d’inspección acreitada como Organismu de control nel campu d’instalaciones frigorífiques onde se verifique’l cumplimientu de los controles de fugues.

Pa les demás instalaciones de nivel 2:

  1. Declaración responsable del titular o usuariu de la instalación, onde s’indique dende cuándo usa la instalación y que cumple coles obligaciones del artículu 18 d’esti Reglamentu pa los titulares d’instalaciones de nivel 2.

  2. Informe de técnicu tituláu competente onde describa la instalación y s’acompañen cálculos y planos, indicando que la instalación cumple los requisitos técnicos de la reglamentación vixente nel momentu de la fecha de realización de la instalación o de la reglamentación actual y que s’atopa nun estáu correctu de funcionamientu.

  3. Certificáu d’inspección d’una entidá d’inspección acreitada como Organismu de control nel campu d’instalaciones frigorífiques onde se verifiquen les condiciones de seguranza de la instalación tocante al Reglamentu d’instalaciones frigorífiques qu’afecte a la mesma.

  4. Contratu de caltenimientu con empresa habilitada. La non presentación de la documentación nel plazu previsto nesta disposición va considerase una infracción de les previstes n’artículu 31.2 c) de la llei 21/1992, de 16 de xunetu, d’Industria.

Nel exerciciu de les sos competencies en materia de seguranza industrial, la Dirección Xeneral d’Industria d’esta Conseyería d’Industria, Empléu y Promoción Económica del Principáu d’Asturies llevó a cabu campañes informatives de comprobación del grau de cumplimientu de les obligaciones d’inspección qu’afecten a delles instalaciones suxetes a reglamentos de seguranza industrial. Eses campañes vinieron realizándose n’años anteriores cola collaboración de los organismos de control y de l’asociación ASOCAS n’otros ámbitos reglamentarios. Na actualidá ta llevándose a cabu una campaña informativa nel ámbitu de les instalaciones frigorífiques cola mira de dar a conocer a los titulares les sos obligaciones, amás de la posibilidá de llegalizar les instalaciones nel plazu otorgáu pola disposición transitoria primera.

La finalidá d’esta Conseyería competente en materia d’industria ye la regulación, control y inspección d’esti sector que tien una incidencia especial nos parámetros de seguranza; pero convién recordar que caltener l’actividá ensin superar favorablemente la inspección periódica de la instalación de protección contra quemes, pue constituyir una infracción grave o mui grave, d’alcuerdu col artículu 31 de la Llei 21/1992, d’Industria, y nel so casu, podría trayer una sanción de multa d’hasta 6.000.000,00 € y hasta 100 M€ pa les mui graves; ensin escaecer la adopción eventual por esta Conseyería de les midíes cautelares oportunes (suspensión de l’actividá o zarru del establecimientu).

Ye por too esto polo que nes instalaciones incluyíes n’ámbitu d’aplicación del R.D. 552/2019 pol que s’aprueba’l Reglamentu de Seguranza pa Instalaciones Frigorífiques, l’Alministración sofita les actuaciones informatives que se realicen pola ASOCIACIÓN D’ORGANISMOS DE CONTROL D’ASTURIES.

Dende la web del Principáu d’Asturies quier dase a conocer estes actuaciones que, amás de favorecer la seguranza industrial y el cumplimientu de la normativa vixente, ayuden a los titulares de les instalaciones a conocer meyor les sos obligaciones. Por eso, al traviés d’esta información quier treslladase a la ciudadanía los requisitos d’estes inspecciones, información que va ser ampliada personalmente por personal vinculao a ASOCAS con actuaciones de difusión reglamentaria sofitaes por esta Conseyería.

Infórmase, polo tanto, que personal vinculao a ASOCAS va personase nos establecimientos d’aquellos sectores que previsiblemente por razón de l’actividá usen instalaciones frigorífiques, cola mira d’informar a los titulares de les sos obligaciones d’inspección nesti ámbitu reglamentariu lo mesmo que de les posibilidaes qu’ufierta la

Estimando de mano la collaboración de los establecimientos afectaos nesta campaña, va resolvese cualquier dulda al respeutive al traviés del corréu electrónicu industriaasturias.org (indicando nel asuntu "CAMPAÑA INSTALACIONES FRIGORÍFIQUES”), o a ASOCAS al traviés del teléfonu 985 246 312 o corréu electrónicu info@asocas.es.​​​​​​​

Asset Publisher

Contenidos con Jerarquía Webasturias Industria y enerxía n'Asturies .

Asset Publisher

Contenidos con Jerarquía Webasturias Industria y enerxía n'Asturies .

Contacta columna derecha

Contacta

Serviciu d'atención ciudadana

Iconu - Llámanos

Llámanos al 012 (985 279 100 dende fuera d'Asturies)

Iconu - Buzón del ciudadanu

Escríbinos al buzón ciudadanu

Iconu - Ven a venos

Ven a venos a les nuestres oficines

Iconu - Solicita cita previa

Solicita cita previa