¿Qué ye l’AURA?

L’Axenda Urbana y Rural d’Asturies, AURA, ye’l marcu de planificación estratéxica del territoriu asturianu con visión al añu 2030. Naz col oxetivu d’alliniar les polítiques públiques y orientales a la sostenibilidá, entendida nes trés vertientes que tien: ambiental, social y económica, del conxuntu del territoriu. En definitiva, axuntar los nuestros dos activos principales: territoriu y persones, p’ameyorar la calidá de vida y el bienestar.

¿Por qué?

Porque, parafrasiando a Fernando Pessoa:

Depués de los alcuerdos mundiales, europeos y estatales, ye una obligación, y responsabilidá, de tolos niveles de l’alministración pública trabayar p’ameyorar la calidá de vida de les persones garantizando un territoriu sanu pa xeneraciones futures.

¿Pa qué?

Son trés los oxetivos que dende’l Gobiernu del Principáu d’Asturies persiguimos cola so redacción, implementación y siguimientu:

1. Orientar les polítiques públiques a un horizonte común
2. Reforzar l’acción coordinada, tresversal y participada
3. Poner en valor l’activu territorial

Trátase de permitir que toles actuaciones y polítiques en favor d’una visión compartida pal crecimientu d’Asturies capilaricen y seyan efectives na escala mediana y pequeña.

¿Cómo?

Creando una gobernanza del territoriu onde toos nos sintamos representaos. Ocho comarques funcionales, más una novena funcionalidá metropolitana, 8+1, son el soporte territorial de trabayu. 

Nun partimos de cero, sinón que se siguen los procesos implementaos enantes nel Principáu d’Asturies a favor d’un crecimientu sostenible, intelixente, innovador y cohesionáu. Esto, axuntao a miraes nueves y cola metodoloxía aportada pol Ministeriu de Tresportes, Movilidá y Axenda Urbana, MITMA.