Pa dar cumplimientu a lo que dispón l'artículu 53 del Decretu Llexislativu 1/2004, de 22 d'abril, pol que s'aprueba'l Testu Refundíu de les Disposiciones Llegales Vixentes en Materia d'Ordenación del Territoriu y Urbanismu, y 103 y vinientes del Reglamentu d'Ordenación del Territoriu y Urbanismu del Principáu d'Asturies, nel BOPA de 16 de payares del 2016 publicóse l'alcuerdu d'aprobación definitiva del Plan Territorial Especial del Suelu Non Urbanizable de Costes qu'abarca territorialmente los conceyos d'A Veiga, Castropol, Tapia, El Franco, Cuaña, Navia, Valdés, Cuideiru, Muros, Sotu'l Barcu, Castrillón, Avilés, Gozón, Carreño, Xixón, Villaviciosa, Colunga, Caravia, Ribeseya, Llanes y Ribadeva, depués de l'Alcuerdu tomáu pol Plenu de la Comisión d'Urbanismu y Ordenación del Territoriu del Principáu d'Asturies (CUOTA), en sesión de 23 de setiembre del 2016.
Alvertíos errores materiales na publicación del Alcuerdu de la CUOTA, reunida en Plenu, de fecha 23 de setiembre del 2016, y según lo dispuesto n'art. 109.2 de la Llei 39/2015, de 1 d'ochobre, del Procedimientu Alministrativu Común de les Alministraciones Públiques y n'artículu 4.1.n) del Decretu 258/2011, de 26 d'ochobre, pol que se regula la composición, competencies y funcionamientu de la CUOTA, y depués del cumplimientu de los trámites y requisitos esixíos pola llexislación vixente, la CUOTA en sesión de fecha 24 d'agostu del 2017 (publicada nel BOPA de 1 de setiembre del 2017), alcordó correxir los errores materiales alvertíos na publicación del anexu del alcuerdu d'aprobación definitiva del Plan Territorial Especial del Suelu Non Urbanizable de Costes (PESC) Espediente SOTPLA 238/10, BOPA númberu 266 de 16-11-2016.
DOCUMENTU DE PLANIAMIENTU TERRITORIAL
