Bienveníos

Bienveníos al proyectu Llanes dixital 3D.

Dende un formatu nuevu, usando técniques de visualización 3D, recreáronse los requexos más representativos de la villa de Llanes. Amás de la propia recreación, trátase d’usar los escenarios desarrollaos pa tresmitir información útil non solo sobre’l propiu Llanes sinón sobre la comunidá na que s’inxerta.

Esta ferramienta de divulgación va permitinos conocer un poco más al rodiu una de les fasteres con más guapura d’Asturies, n’onde los sos dos elementos más característicos, la mar y el monte, danse la mano pa ufiertar al visitante una esperiencia única.

Rutes virtuales

Los escenarios escoyíos pa conocer y deprender d’una manera interactiva, traten de ser representativos y amosar tolos aspectos de la diversidá que nos ufierta’l conceyu de Llanes.

Los sos oríxenes ya historia, con un güeyu puestu na mar y otru na tierra, les sos tradiciones, la so rica gastronomía ya impresionante patrimoniu, los cambios sufríos pola sociedá, la emigración y les sos consecuencies, too tien sitiu nesta ferramienta prestosa y divulgativa.

  • Llanes marinero

    La rellación de la mar con Llanes amuésase a cada pasu que damos pela villa; el golor y los sabores, la gastronomía y les costumes, la so economía y les sos cases tán enllenes dafechu d’esa tra...

    lleer más Llanes marinero...
  • Llanes urbano

    Como cabeza d’ayuntamientu y centru económicu, comercial y alministrativu del conceyu, Llanes presenta elementos arquitectónicos estremaos que marquen la so fisonomía. Como exemplu d’ello tán l...

    lleer más Llanes urbano...
  • Llanes turístico

    Llanes ye anguaño un destín turísticu de referencia dientro de la costa cantábrica. Los motivos son munchos. El caltenimientu de los sos espacios naturales, l’apegu poles sos costumes y folclor...

    lleer más Llanes turístico...
  • Llanes medieval

    La historia de Llanes entama a escribise a primeros del sieglu XIII. Ye nesti momentu nel que la villa recibe, por obra del Rei Alfonso IX de Llión, el fueru que lu dotaba d’un estatutu y dello...

    lleer más Llanes medieval...
  • Llanes indiano

    La historia de Llanes nun se pue tocar ensin conocer ún de los sos finxos cimeros, la emigración. Nel casu llaniscu, esti puntu va más p’allá de lo social, económico o político, ta llantáu no m...

    lleer más Llanes indiano...

Proyecto Cofinanciado por: Unión Europea, Ministerio de Industria, Turimsmo y Comercio y Gobierno del Principado de Asturias. Proyecto enmarcado dentro del Plan Avanza, Ciudades Singulares