Gobiernu del Principau d'Asturies

Asturies, muncho más cerca

Tas en

Asturias.es Gobiernu Alcuerdos del Conseyu de Gobiernu: 17/10/2019
 

Alcuerdos del Conseyu de Gobiernu: 17/10/2019

  1. 17 de octubre de 2019
    Alcuerdos del Conseyu de Gobiernu: 17/10/2019
    El Gobiernu d'Asturies aprueba una nueva llinia d'ayudes dotada con 500. 000 euros pa proyectos entamadores con orientación anovadora
    • Esta midida, denominada cheque entamador, va consistir nun máximu de 10.000 euros per iniciativa y va sofitar actividaes singulares y novedoses
    • El Principáu destinó esti añu 2,36 millones al fomentu del empléu autónomu
    • L'Executivu dedica 250.000 euros a los servicios d'arbitraxe de los Xuegos Deportivos 2019-2020

    El Conseyu de Gobiernu aprobó güei una partida de 500.000 euros pa la convocatoria d'una nueva llinea de sofitu al emprendimientu destinada a financiar iniciatives singulares ya innovadores.

    La nueva ayuda, denominada cheque emprendedor, consiste nun máximu de 10.000 euros per proyectu y va sofitar actividaes consideraes innovadores por espertos esternos, como por casu la Ciudá Industrial del Valle del Nalón (Valnalón) o'l Centru Européu d'Empreses ya Innovación (CEEI), que cunten con viveros empresariales y esperiencia acreditada na calificación d'esti tipu d'iniciatives.

    El cheque emprendedor va empobináu a trés colectivos: entamadores (persones que nun tienen esperiencia nel trabayu por cuenta propia), reentamadores (con esperiencia nesta materia) y relevistes empresariales, qu'impulsen un proyectu innovador para caltener l'actividá económica d'un negociu que se trespasa.

    Les bases para optar a estes subvenciones, que s'enmarquen nos oxetivos del IV Programa pal Fomentu de la Cultura Entamadora 2016-2019, publícase nel Boletín Oficial del Principáu (Bopa) el pasáu 17 de xunetu.

    Nel marcu del programa de sofitu al autoempléu, el Gobiernu d'Asturies dispón esti añu de seis tipos de bonificaciones al emprendimientu:

    - Ayudes pal fomentu del empléu autónomu (tarifa mixta). Anguaño benefició a 1.637 persones, caúna de les mesmes recibió 600 euros, lo que supón un total de 982.200 euros concedíos.

    Ayudes al afitamientu empresarial: 760.000 euros concedíos a 260 beneficiarios. - Sofitu a trabayadores autónomes en situación de baxa por maternidá, adopción o acoyimientu. Esta llinia facilitó la concesión de 53 subvenciones, por un importe global de 129.582 euros, que financiaron la contratación de persones sustitutes nel periodu d'esfrute de los permisos.

    - Bonificación de les cuotes a la Seguridá Social a perceptores de la prestación por desempléu na so modalidá de pagu únicu: 48.000 euros concedíos nesta convocatoria.

    - Ayudes a cooperatives y sociedaes llaborales (empreses d'economía social) pal fomentu del empléu por aciu la incorporación de socios trabayadores o d'asalariaos, con calter indefiníu, por un importe total de 350.000 euros.

    - Ayudes destinaes a asociaciones de trabayadores autónomos y de cooperatives y sociedaes llaborales para fomentar la conocencia sobre l’emprendimientu, l’autoempléu y la economía social ente la ciudadanía. Nesti contestu enmárquense dos llinies estremaes, caúna de les mesmes ta dotada con 70.000 euros.



    Convenios pal arbitraxe de los Xuegos Deportivos

    L'Executivu autonómicu autorizó la suscripción de convenios coles federaciones deportives d'Asturies pa financiar el serviciu d'arbitraxe de los Xuegos Deportivos y la organización técnica de les Xornaes de Deporte Adaptáu nesti cursu. En total, el Principáu va destinar a estos fines 249.975 euros.

    Per una parte, al conveniu ente la Conseyería de Cultura, Política Llingüística y Turismu y la Federación Asturiana de Fútbol pa sufragar los arbitraxes na modalidá de fútbol campu destínense 67.000 euros, anque esta cantidá podría alzase si aumenta'l númberu d'alcuentros, competiciones o participantes. Per otru llau, los alcuerdos col restu de federaciones suman en global 182.975 euros. Nesti marcu, destaquen les partíes destinaes a baloncestu (41.500), atletismu (21.250), voleibol (11.000 euros) y balonmano (10.500).

    Los Xuegos Deportivos, nos que'l Gobiernu d'Asturies invierte cerca d'un millón d'euros por cursu, movilicen a casi 40.000 estudiantes en cada convocatoria. Esta iniciativa pretende la promoción de vezos saludables, de la que fomenta la educación en valores, la igualdá, l'espíritu deportivu, el respetu a les normes y la meyora de la convivencia.



    Regularización de les empreses d'intermediación turística

    El Conseyu de Gobiernu aprobó'l decretu que regula les condiciones que tienen de cumplir les empreses d'intermediación turística con sede n'Asturies, mesmo que’l so réxime xurídicu. La norma tamién afecta a les compañíes d'esti tipu domiciliadas fuera de la comunidá que quieran abrir sucursales nel Principáu

    Les empreses d'intermediación turística son aquelles que desenvuelven actividaes de mediación y organización de servicios turísticos. La nueva normativa dicta que van poder enmarcase nesta categoría tanto les axencies de viaxes como les centrales de reserves y afita los requisitos pa les dos modalidaes, amás de disposiciones comunes a dambes.



    Ver en formatu orixinal (PDF : 199 Kb )

Información sobre el documento

© Copyright 2006. Gobiernu del Principau d'Asturies