Gobiernu del Principau d'Asturies

Asturies, muncho más cerca

Tas en

Asturias.es Temes Deportes Actividaes deportives Temporada d’esquí nel Principáu d’Asturies
 

Actividaes deportives

Temporada d’esquí nel Principáu d’Asturies

Infórmate de les posibilidaes pa practicar deportes d’iviernu nel Principáu d’Asturies y na redolada

Esquiadora sobre la nieve

Aprobóse como temporada d’iviernu les feches que van ente los díes 3 d’avientu del 2015 y 3 d’abril del 2016. Va entendese como temporada alta, amás de tolos sábados, domingos y festivos ente los díes 3 d’avientu del 2015 y 3 d’abril del 2016, estes feches (toes inclusive):

    El día 7 d’avientu del 2015
    Del día 24 d’avientu del 2015 al día 8 de xineru del 2016
    Los díes 8 y 9 de febreru del 2016

A los demás díes que van ente’l 3 d’avientu del 2015 y 3 d’abril del 2016 va aplicase’l preciu correspondiente a la temporada baxa.

Ensin perxuiciu de lo anterior, y a tenor de les condiciones meteorolóxiques y la disponibilidá presupuestaria, la Conseyería d’Educación y Cultura va poder adelantar y/o retrasar el principiu y el fin de la temporada respectivamente.

Les novedaes principales pa la temporada 2015-2016 son estes:

Tocante a les tarifes, el Principáu optó por conxelar los precios públicos na mayoría de los forfaits. N’otros casos, como los abonos de dellos díes, el costu xubió menos del 2% y nun supera los precios de la estación llionesa de San Isidro.

Pa esta temporada caltiénse’l conveniu cola Diputación de Llión, qu’habilita la venta del forfait Cuatro díes, cuatro estaciones, y el descuentu del 20% nel del día pa los abonaos de temporada anual en cualquiera de les otres estaciones.

Tamién se caltienen les novedaes principales de la temporada anterior, como’l descuentu de forfait pa los beneficiarios del Carné Mozu del Principáu y que computen como temporada alta namás los díes festivos de Selmana Santa, en cuenta de tol periodu vacacional.

Van siguir computándose como temporada alta namás los díes festivos del periodu de Selmana Santa, en cuenta de tol periodu vacacional.

Amás, y pa fomentar y promocionar les estaciones fuera d’Asturies, caltiénse’l forfait Interalministraciones, que va dexar a otros organismos o entidaes públiques beneficiase d’un descuentu, siempre y cuando participen na actividá un mínimu de 150 esquiadores.

 

Precios públicos

Nel BOPA del 03/11/2015 y del 06/11/2015 publicáronse estos Decretos:

Precios de Fuentes:

    https://sede.asturias.es/bopa/2015/11/03/2015-16084.pdf 

Precios de Valgrande-Payares:

    https://sede.asturias.es/bopa/2015/11/03/2015-16083.pdf
    https://sede.asturias.es/bopa/2015/11/06/2015-16236.pdf 

 

Estaciones nel Principáu d’Asturies

    Estación Ivernal y de monte Valgrande-Payares
    Estación Ivernal de Fuentes